Бас Прокурор: Елге пайдалы іс тындырып жатқандай сыңай танытпаңдар!

Сенбі, 28-Қаңтар 2017 / 13:59
Айдары: Елорда
Бас Прокурор: Елге пайдалы іс тындырып жатқандай сыңай танытпаңдар!

Қазақстан бас прокуроры Жақып Асанов бүгін Астанада 2016 жылдың қорытындысы және алдағы кезеңге арналған міндеттері жайлы өткен бас прокуратураның алқа жиынында прокурорлардың жұмысын сынады, – деп хабарлайды “Ұлт ақпарат”.

Асанов прокуратура құрамында “адал қызметкерлердің” көп екенін, ал “масылдардың” одан да көбін айтты. Бас прокурор жиында “ведомство қызметкерлері таңнан кешке дейін мемлекетке пайдалы жұмыспен айналысып жатқандай елес тудырмауға” шақырды. Прокуратурада “заманауи ойлайтын” қызметкерлердің барын айтқан Асанов әріптестерін жұмыс істеу тәсілін, менталитет пен ойлауды түбегейлі өзгертуге шақырды.

Қазақстан президентінің көмекшісі – Қауіпсіздік кеңесінің хатшысы Владимир Жұмақанов өткен жылы прокуратура кеңселері алдында өзін-өзі өртеу оқиғалары болғанын айтып, прокурорларды заңның сақталуын дұрыс қадағалауға шақырды.

Желтоқсанның 6-сы күні Жамбыл облысы Шу қаласының 48 жастағы тұрғыны Майра Рысманова ұлының сотталуына қарсылық білдіріп, Астанадағы бас прокуратураның кіре берісіндегі жерде өзін өртеген. Денесі қатты күйген әйел бірнеше күннен соң ауруханада көз жұмған. Бас прокуратура Рысманованың туыстарына тексеру жүргізуге уәде берген.

22 желтоқсанда Шымкентте облыстық прокуратура алдында жергілікті кәсіпкер Нұркен Айнабеков үстіне бензин құйып, өзін-өзі өртеген. Өз-өзін өртеу кезінде оның үстінен алаяқтық бабы бойынша қылмыстық іс қозғалған.

Әлеуметтік желіде бөлісу

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki
,

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Әлеуметтік желідеміз

YouTube Vk

Пайғамбарымыз Мұхаммедтің (с.а.у) 60 қасиеті

Facebook парақшамыз