Біле жүріңіз! 1-сыныпқа баратын бала нені білуі керек?

Міне, жаңа оқу жылы да ертең басталады. Баласы 1-сыныпқа баратын ата-аналар «Баламыз не біліп, нені үйренуі керек,  оқи ала ма?» — деп қобалжи бастайды. Көптеген ата-ана баласы оқу, санау және жазуды білсе болды, «мектепке дайын» деп есептейді. Бұл тек дайындықтың басы ғана. Мектепке дайындық сіз бен біз ойлағаннан да әлдеқайда маңызды әрі күрделі мәселе. Сондықтан ата-ана  баланың мектепке даярлығына дұрыс көңіл бөліп, ерінбей уақыт тауып, баламен сабаққа дайындалғаны абзал.

1-сыныпқа баратын бала мыналарды білуі қажет:

  • Әліпби бойынша барлық әріптерді танып, ажырата білу;
  • Буындап қосып, оқи білуі керек;
  • Әріптердің жазба, баспа түрлерін жаза білу;
  • 1-ден 10-ға дейін және кері қарай санай білу;
  • Өзінің аты-жөнін, неше жаста екенін, туған күнін, қайда тұратынын ауызша айта білуі керек;
  • Адамның суретін салып, әрбір мүшесін (бас, көз, аяқ, қол т.б.)  атап көрсете білуі керек;
  • Жыл мезгілдерін білуі керек;
  • Қазақша ай аттарын, апта күндерін білуі керек;
  • Геометриялық пішіндерді атай білуі керек;
  • Суретке қарап әңгіме айта білуі керек;
  • Үй жануарлары мен құстардың аттарын білуі керек;
  • Бала өзінің ойын толық жеткізе білуі керек;

Міне, осы керектердің жолында аянбай  еңбек етуіңіз керек. Сонда ғана балаңыз өзінің қатарынан қалмай, сабақты жақсы оқи алатынына сене беруіңізге әбден болады. Сәтті сапар тілейміз!

Айбол Битуғанов, ұстаз

Пікір үстеу

Э-пошта мекенжайыңыз жарияланбайды. Міндетті өрістер * таңбаланған