Елбасы Қазақстан халқын Құрбан айт мерекесімен құттықтады

Қазақстан Республикасының Президенті Нұрсұлтан Назарбаевтың Құрбан айт мерекесімен құттықтауы

Қымбатты қазақстандықтар!

Баршаңызды қасиетті Құрбан айт мейрамымен құттықтаймын!

Жасампаздықтың, ізгілік пен мейірбандықтың нышаны болған осынау жарқын мереке адамдарды қайырымдылық пен жанашырлыққа үндейді.  Ол қазақстандықтардың жүрегіне жақындарына деген сүйіспеншілік ұялатады, адамгершілік құндылықтарды нығайта отырып, көмекке мұқтаж жандарға қамқорлық жасауға жетелейді және рухани дәстүрлерге баулиды.    

Қазақстан табысты дамыған 25 жылда Құрбан айт шын мәнінде Ел бірлігі мен қоғамдағы конфессияаралық келісімді нығайта түсуге бірегей ықпал еткен айтулы мейрамға айналды.  

Осынау қасиетті мереке күндері әрбір отбасына бейбітшілік пен келісім, амандық және құт-береке тілеймін!

Шаңырақтарыңыз шаттық пен бақытқа толсын!  

Пікір үстеу

Э-пошта мекенжайыңыз жарияланбайды. Міндетті өрістер * таңбаланған