1941-1945 жылдардағы Ұлы Отан Соғысындағы Жеңістің 75 жылдығына арналған «Ұлы Жеңіс ешқашан ұмытылмайды» атты кітаптың тұсаукесері өтеді
1941-1945 жылдардағы Ұлы Отан Соғысындағы Жеңістің 75 жылдығына арналған «Ұлы Жеңіс ешқашан ұмытылмайды» атты кітаптың тұсаукесері өтеді
Өтетін күні: 2020 жылдың 6 мамыр, сағ. 11.00
Өтетін орны: Нұр-Сұлтан қаласы, Бейбітшілік, 11,
Нұр-Сұлтан қаласы әкімдігінің медиа-орталығы
2020 жылдың 6 мамырында Нұр-Сұлтан қаласының Ардагерлер кеңесі 1941-1945 жылдардағы Ұлы Отан Соғысындағы Жеңістің 75 жылдығына арналған «Ұлы Жеңіс ешқашан ұмытылмайды» атты кітаптың тұсаукесерін өткізеді.
«Ұлы Жеңіс ешқашан ұмытылмайды» атты кітап – Нұр-Сұлтан қаласы әкімдігінің қолдауымен әзірленген.
Осы кітап өңірден шыққан Кеңес Одағының Батырлары мен қазіргі көзі тірі Ұлы Отан соғысы майдангерлері және тыл ардагерлері жайлы сыр шертеді. Онда ардагерлердің қаһарман ерліктері мен соғыс жылдары тылда еңбек еткен кезеңдері баяндалады.
Кітап құрылымы Ақмолалық Кеңес Одағы батырлары, Қазақстан Халық қаһармандары өмірбаяндары, батырлар жайлы мақалалар мен деректер, астаналық Ұлы Отан Соғысының ардагерлері, аудандық ардагерлер кеңесі, еңбек сіңген тыл ардагерлері, республикалық, қалалық ардагерлер кеңесіне қызмет жасаған қайраткерлер бүгінгі ұрпаққа аманаты туралы жазбалардан тұрады. Мәселен, Қазақстанның Халық қаһарманы Қасым Қайсеновке қатысты деректер, қазақтың батыр ұшқыш қыздары Дәмелі Жәкеева, Мәдина Ысқақова, Қамқа Үмбеталина туралы тың естеліктер бар. Оның үстіне қазіргі көзі тірі елордада тұратын 44 Ұлы Отан Соғысы ардагерлерінің өз ауыздарынан жазылып алынған естеліктерінің құндылығы айтылған.
Кітаптың басты мақсаты — 1941-1945 жылдардағы Ұлы Отан Соғысына қатысушылардың есімдерін мәңгі есте қалдыру, олардың ерлік рухы арқылы жастар бойында қазақстандық патриотизмді жандандыру болып табылады.
Іс-шараға Нұр-Сұлтан қаласы ардегерлер кеңесі, кітап авторы және 941-1945 жылдардағы Ұлы Отан Соғысының тыл ардагерінің қатысуы күтіледі.
БАҚ өкілдерін аккредитациялау және басқа да сұрақтар бойынша +7 701 442 29 36 (Тайжанова Алтын) телефоны арқылы немесе a.taizhanova@astana.kz электронды поштасына хабарласуға болады.