4 велосипед және Испаниядағы гранд-тур жолдамасы саудаға қойылады

Атырауда сәуір айының 30 жұлдызында алғаш рет «Charity Bike Ride Atyrau – 2018» қайырымдылық велошеруі өтеді. Велошеру аясында «Александр Винокуров атындағы спортты қолдау және дамыту» қоғамдық қоры бірқатар топтамалар қойып, аукцион ұйымдастырады. Аукционда 1950 жылғы Stucchi Milano коллекциялық велосипеді, 2016 жылғы Specialized S-Works Venge – Рио-2016 олимпиадасына арналған арнайы велосипед, италияндық велошабандоз Фабио Аруға арнап құрастырылған Argon 18 Gallium Pro 2017 велосипеді, салмағы 5 келі болатын Vino Bike маркалы эксклюзивті велосипеді аукцион сатылымына түседі.

Аукционның сыйлықтарының бірі — «Astana Pro Team» командасымен бірге баратын  испандық «Вуэльта-2018» гран-турының соңғы кезеңіне жолдама. Турда жатын орын, тамақ барлығы тегін, сондай-ақ «Астана» командасымен бірге болуға үлкен мүмкіндік.

Бұл туралық Өңірлік коммуникациялар қызметінде өткен баспасөз жиынында Атырау облыстық спортты дамыту және қолдау қоғамдық қорының өкілі Таңат Нұршын мәлімдеді.

-Қайырымдылық велошеруі аясында мерекелік кешкі аукцион өткізу жоспарланып отыр. Аукционнан Винокуров атындағы қоғамдық қорға түскен барлық қаражат Атырау облысындағы велоспорт мектебіне спорт жабдықтарын сатып алуға жұмсалады,-дейді Таңат Нұршын.

Айта кетейік, 30 сәуір күні өтетін велошеру қашықтығы 9 шақырымды құрайды, қатысушылар облыстық қазақ академиялық драма театрынан шеруді бастап, Сұлтан Бейбарыс алаңына дейінгі мәре сызығын жүріп өтеді. Тіркелу уақыты – 08.00. сағат.

Велошеруге жас айырмашылығына қарамастан қатысуға ниет білдірген барлық адам қатыса алады, көрсетілген сілтеме бойынша тірелуге болады:

   Атырау облыстық өңірлік коммуникациялар қызметі