Бұқар Жырау ауданы Доскей ауылында әдеби аялдама пайда болды

Доскей ауылында Ахмет Байтұрсыновтың 150 жылдығына және ақын Доскей Әлімбаевқа арналған әдеби аялдама рәсімделді.
Павильонда ауыл тұрғындары үшін буккроссинг ұйымдастырылды.
Әдеби аялдаманы безендіру идеясын Бұқар Жырау ауданының Орталықтандырылған кітапхана жүйесінің әдіскері Майгүл Асқарова ұсынды.
Барлық округ кітапханашылары оны қолдап, эскиздер жасады.

Аялдамада бес стенд ұсынылған. Солардың бірі Халық ақыны, ҚазКСРО еңбек сіңірген өнер қайраткері Доскей Әлімбаевқа арналған.
– Жас кезінде ол Ақан сері, Жаяу Мұса, Балуан Шолақ, Біржан сал сынды танымал әншілердің музыкалық мәдениетін қабылдап, импровизация мен композицияның негізгі тәсілдерін үйренді. Ол феодалдық-рулық ақсүйектер мен дінбасыларды мазақ еткен әндер жазған, – дейді Доскей ауылының Орталықтандырылған кітапхана жүйесінің мәдени ұйымдастырушысы Дариға Біләлова. – Ұлы Отан соғысы жылдары Отан қорғауға шақыратын әндер топтамасын жазды. «Құрмет Белгісі» орденімен марапатталған. Ол облыстық ақындар айтысын ұйымдастырушылардың бірі. Оның құрметіне Қарағандыда көше мен біздің ауыл аталды.

Қалған стендтер Ұлт ұстазы, түрколог, «Алаш» партиясының мүшесі, Ұлттық жазу реформаторы, қазақ лингвистикасы мен әдебиеттанудың негізін қалаушы Ахмет Байтұрсыновтың туғанына 150 жыл толуына орай безендірілді.
– Ахмет Байтұрсыновтың мерейтойы ЮНЕСКО аясында аталып өтуде. Біздің әдеби аялдамамыз осы күнге арналған. Бізді ауыл әкімдігі қолдады, – дейді Дариға Біләлова. – Аялдамаларда QR-кодтар бар, оларды сканерлеп, ұлт мұғалімінің шығармаларымен танысуға болады. Болашақта тағы бір аялдама жасағымыз келеді.

Жомарт Шаймұрат