Өрттен зардап шеккендерге 91 үй салынады — Архимед Мұхамбетов

Қостанай облысының әкімі Архимед Мұхамбетов Әулиекөл ауданындағы өрттен зардап шеккен тұрғындарға 91 үй салынатынын мәлімдеді.

«Әулиекөлде орманнан алысырақ 91 үй салуды жоспарлап отырмыз. Бас жоспарға сәйкес жерді бөліп қойдық. Премьер-министрдің тапсырмасы бойынша Индустрия және инфрақұрылымдық даму министрлігі көмек көрсетіп жатыр. Қазанның соңына дейін осы үйлерді салып бітіруіміз керек», — деді өңір басшысы.