Сәуле Мешітбайқызымен кездесу

Кеше қоғам қайраткері Сәуле Мешітбайқызымен кездесу өткіздім.

«QAZAQSTAN DAUIRI» халықаралық газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті,«ЕлАна» қоғамдық-танымдық, әлеуметтік-ақпараттық сайтының Бас редакторы Сәуле Мешітбайқызымен өткен кездесуге аудан әкімдігінің ішкі саясат бөлімі, жергілікті ақпарат құралдарының өкілдері мен білім беру саласының басшылары қатысты.

Қазіргі таңда, өзі басшылық жасайтын ақпарат құралдары арқылы халықтың жанайқайын билікке жеткізіп, қоғамның ауыр жүгін арқалап, ел ішінде «Ел анасы» атанып кеткен Сәуле Мешітбайқызы өзінің жұмыс сапары туралы сөз қозғап, «QAZAQSTAN DAUIRI» халықаралық газетіне – 30 жыл, республикалық «Мөлдір бұлақ» балалар журналына – 20 жыл» мерекелік медалін табыстады. Сонымен қатар, «Ұлт шырағы» және «Намыс қайрағы» кітаптарын тарту етті.

Жасына қарамастан журналистикада сүбелі тақырыптарға батыл түрде қалам тартып жүрген Сәуле апайымызға ризашылығымды білдірдім.

Бақыт Алпысбайұлы, Байзақ ауданының әкімі