ЖАМБЫЛ-«ӨРЛЕУ» ӨЗ ЖЕҢІМПАЗДАРЫН МАРАПАТТАДЫ

Ағымдағы жылдың 11 қарашасы күні «Өрлеу «БАҰО» АҚ Жамбыл облысы бойынша Кәсіби даму институтының филиалы «Педагогикалық идеялар панорамасы» Республикалық бейне-сабақтар мен бейнедәрістер конкурсының өңірлік кезеңінің жеңімпаздарын марапаттау рәсімін өткізді.

Биылғы жылы облыс педагогтері байқауға ерекше қызығушылық танытып, қатысуда айрықша белсенділік танытты. Филиалдың өңірлік ұйымдастыру комитеті конкурсқа қатысуға жіберілген 667 өтінімді қарап, 67 қатысушы дәріс, сабақ, практикалық/зертханалық жұмыс, семинар және шеберлік сынып түріндегі тұжырымдамалық педагогикалық идеяны қамтитын конкурстық бейнематериал үшін 22 номинация бойынша жүлделі орындарға ие болды (17-і І орын, 21-і ІІІ орын, 29-ы ІІІ орын). Жеңімпаздардың ең көп саны Тараз (22), Қордай (11), Меркі (7), Т.Рысқұлов(5), Байзақ (5), Жамбыл (5) аудандарынан болды.

Марапаттау рәсімінде жеңімпаз педагогтерге 1, 2, 3 дәрежелі дипломдар табыс етілді. Облыс педагогтерінің үздік деп танылған 17 шығармашылық бейне-жұмысы конкурстың республикалық кезеңіне қатысуға жолдама алды.

Марапаттау рәсімі жоғары деңгейде ұйымдастырылып, ұстаздарға жағымды көңіл-күй сыйлады. Педагогтер іс-шараны ұйымдастырушыларға алғыстарын білдіріп, байқаудың республикалық кезеңінде қатысушыларға сәттілік тіледі.

Сұлушаш Құрманбекова