Қар тазалау жұмыстары тоқтамайды

Тараз қаласында «Жасыл Ел – Тараз» ЖШС шаһар аумағындағы автокөлік және жаяу жүргіншілер жолдарында төтенше жағдайлар туындамас үшін қардан тазарту жұмыстарын атқарып жатыр.

Екі күн бойы толассыз жауған қарға байланысты мекеме екі ауысымда қызмет атқаруда.
Кеше шаһар көшелеріне құм, тұз себу және қарды техникамен тазалау бойынша түнгі жұмыстар атқарылды. Бұл жұмыстарға 40 техника және 82 адам жұмылдырылды.
Бүгінгі күнге орта есеппен қала бойынша 450 м3 қар шығарылды.
Қазіргі таңда мекеме қорында құм мен тұз жеткілікті.