Әлемді мейірімділік құтқарады!

Қазақстан халқы Ассамблеясы мен қайырымдылық ұғымдары бір-бірімен тығыз байланысты. ҚХА қамқорлығымен елде көптеген қайырымдылық акциялары мен еріктілер қозғалысы өткізіледі.

Дүнген этносы қазақ халқынан оның бауырмалдығын, жомарттығын, қонақжайлылығын қабылдаған. Қазақтарда «Жаман айтпай, жақсы жоқ»деген мақал бар. Игі іс жасауға деген ұмтылыс әрбір қазақстандықтың жан дүниесінде орын алған, өйткені қайырымдылық Исламның бес өсиетінің бірі болып табылады.

Әрбір қазақстандықтың жүрегінде тамыр жайған ислам қағидаттары бейбітшілік пен келісімге, мейірімділік пен көмекке, өзара сыйластыққа шақырады және осы ең үздік адами қасиеттер ұрпақтан-ұрпаққа беріліп отырады.

Дүнгендерді қиын-қыстау кезеңдерде қабылдаған қазақ бауырлары тек дүнгендермен ғана емес, тарихи себептерге байланысты өмір сүріп, өркендеп келе жатқан барлық этностармен де ең жылы қарым-қатынастар құрып өркендеп келеді.

Мұсылмандардың жүрегінде қоғам мүддесі үшін тектілік танытуға деген талпыныс бар. Қазақтар мен дүнгендер барлық бірлескен игі істерді ақсақалдардың батасымен бастайды. Біздің үйіміз ортақ және қиын уақытта ешкім шетте қала алмайды.

Дүнген диаспорасының бүгінде әлеуметтік белсенділігі өте жоғары. Иманы берік дүнген этносының өкілдері әрдайым ниеттерінің шынайылығы мен риясыздығын көрсете отырып, қиын өмірлік жағдайға тап болғандарға барын бөліп беруге дайын.

Түркістан облысының Мақтаарал ауданындағы су тасқыны, Арыс пен Байзақ ауданындағы қайғылы оқиғаны өкінішпен еске аламыз. Коронавирус бізге шабуыл жасаған қатал күндер.

Осы ауыр кезеңдердің алғашқы күндерінде дүнген белсенділері апат аймақтарына гуманитарлық жүктері бар автокеруендерді жөнелтуді ұйымдастырды. Біздің Мақтарал атты делегацияға Сортөбе мешітінің имамы Гуйчир Якуб, Сортөбе ауылдық округінің ақсақалдар кеңесінің мүшесі Гейсыр Чешанло, Сортөбе ауылының № 48 ОМ директоры Есаров Шамиль енді. Біз тұрғындарға көмектесе отырып, жағдайдың қаншалықты қасіретті екеніне көз жеткіздік. Сондықтан менің ойымша, осы апаттардың барлық ауыртпалықтарын сезінгендердің бәрі өмір бойы құтқарушы болып, мұқтаж жандарға әрдайым көмек көрсетуге дайын тұрады.

Коронавирустық пандемия кезеңі көпшілігіміз үшін қиын болды. Бірақ қиындықтарға қарамастан, еріктілер қозғалысы жалғасты. Жамбыл облыстық «Вынхуа» этномәдени орталығының басшысы Айша Люшировна Сортөбе ауылдық округі әкімінің аппаратымен бірге жинаған қаражатқа дәрі-дәрмектер, медициналық маскалар, дезинфекциялау құралдары сатып алынып, көрші аудандардың ауруханаларына жеткізілді.

Өткен жылдың 23 маусымында Қордай ауданы Үлкен Сұлутор ауылында нөсер жаңбыр түрінде жауған жауын-шашынның салдарынан Ырғайты өзенінің арнасы бойынша сел тасқыны өтті. Елді мекеннің жол төсемі су астында қалды, жеке тұрғын үй құрылысының қожалығы зақымданды, көптеген аулаларда мал қырылды. Менің басшылығыммен белсенділер тобы жиналды, құрамында «Дүнген республикалық этномәдени орталығы» РҚБ төрағасы З. А. Махусеев, облыстық мәслихат депутаты Буларов Лугмар, Масаншы ауылдық округінің әкімі Малиев Рамазан, Сортөбе ауылдық округінің әкімі Рустам Фушанло, «Вынхуа» ЭМО төрағасы Айша Идыбо және бірқатар ақсақалдар бастаған топпен 5 млн. теңге қаражат табиғи апаттың салдарын жою жөніндегі комиссияға тапсырдық.

Енді «Дүнген республикалық этномәдени орталығы» РҚО мүшелері З. А. Махусеевтің төрағалығымен Ассамблея төрағасының орынбасары М. Әзілханов пен этносаралық қатынастарды дамыту комитетінің төрағасы Г. Н. Шойкиннің Түркиядағы жер сілкінісінен зардап шеккендерге гуманитарлық көмек көрсетуге белсенді қатысуға шақыруына ықыласпен жауап берді.

Қазақстан Дүнген республикалық бірлестігі басқармасының барлық мүшелері, қарапайым халық пен қоғам қайраткерлері зардап шеккендерге қолдарынан келгенше қажетті тұрмыс заттары мен ақшалай қаражат жинауға кірісті.

Қайырымдылық акциясына қатысқандардың барлығына шексіз алғысымды білдіргім келеді.

«Дүнген республикалық этномәдени орталығы» РҚБ құрамына еліміздің 11 облысының дүнген этномәдени бірлестіктері енді. Барлық ЭМБ гуманитарлық көмек жинау бойынша қайырымдылық акцияға белсенді түрде қатысты. Астана қаласының «Юнчи» этномәдени орталығы (Төрағасы Мұханзаева Зульфия) 340 000 теңге жинаса, Алматы қаласының «Щинсын» дүнген мәдени орталығы ҚБ-нің жинақ сомасы– 400 000 теңгені құрады. (Төрағасы-Абубекерова Зухра) Қордай ауданының тұрғындары «Вынхуа» ЭКО мүшелерінің (Төраға Айша Идыбо) қатысуымен 18000000 теңге сомасына жылы заттар мен бірінші қажеттіліктегі заттар алынып, 10000000 теңге ақшалай қаражат жинады.

Нәтижесінде екі күннің ішінде 3 640 000 теңге жинап аудардық.

Ыстамбулда тұратын Дүнген этносының өкілдері, кәсіпкер жұбайлар Санчизов Тахир мен ИмамоваТохуар жерлестерін, 20 отбасын біріктіріп, РҚБ шотына 9 мың 600 доллар жинап, аударды. Ізгі ниетпен жақсы істі атқаруға еріктілік танытудың түп төркіні ұлттық салт-дәстүріміз бен құндылықтарымызға сай келеді. Тіпті балалар өздеріне қымбат заттарын беруді сұрайды. Бірақ Түркия заттарды қабылдамайды, қазір ақша маңыздырақ.

8 ақпан күні біз, жетінші шақырылымдағы ҚР Парламенті Мәжілісінің бұрынғы депутаттары Дархан Қамзабекұлы Мыңбай, Хамедов Әбілфас Мүслімұлы және мен Астанадағы Түркия елшілігіне барып, барлық бауырлас түрік халқына көңіл айтып, гүл шоқтарын қойдық.

Көмек пен қолдау көрсету, ынтымақтастық бізді біртұтас елге айналдырады! Бұл құндылықтар мемлекеттіліктің тірегі болып табылады.

Алла Тағала Түркия халқына осындай қайғы-қасіретке төтеп беруге күш-қуат берсін.

Мейірімділік таусылмасын, күннен күнге артта берсін!

Достығымыз жарасқан елге көмектесіп жатқан халқымызға рахмет.

Жақсылық жасауға асығайық! Мейірімді болыңыздар!

Мейірімділік әлемді құтқарады!

Ильяс Буларов ФБ парақшасынан