Интернет арқылы ғашық болған астаналық сүйіктісіне 91 млн теңге жіберді – 5 баланың әкесі сотталды

Екеуі әлеуметтік желіде танысқан. Ер адам жаңа танысын бірден ұнатып қалғанына сендірді. Ал өзін зауыт директоры ретінде таныстырған. Бірақ кәсіпорын банкроттық сатыда тұрғанын айтады.

Сосын жақын туыстарының қайтыс болғанын хабарлап, ақшаға қатты мұқтаж екенін жеткізген. Әйел оған сеніп қалды. Сөйтіп, сүйіктісі ақшаны сұраған сайын онлайн-банкинг арқылы аударып отырды. Барлығы 91,6 миллион теңге жіберген.

Алаяқ ұсталды. Ер адам 5 баланың әкесі болып шықты. Соттың шешімімен 5 жылға бас бостандығынан айырылды. Жәбірленушінің пайдасына 91 миллион теңгеден астам ақша өндірілді.