🔰АУДАН ӘКІМІ ӘЛЕМ ЧЕМПИОНДАРЫН ҚАБЫЛДАДЫ.

Аудан әкімі Мұртаза Жалғас Алижанұлы Бразилияның Рио-де-Жанейро қаласында Дүниежүзілік жазғы гимназияда (U15) аясында бокстан өткен жарыста жеңімпаз атанған спортшылар Рүстембек Мұхамедали мен Әшірбай Бибарысты қабылдады.

Спортшы оқушылар Жуалы ауданы №16 бокстан балалар жасөспірімдер спорт мектебінде шынығады, спортпен айналысады. Жаттықтырушысы Рахманқұл Нүркен.

Қазақстан құрама командасы сапында өнер көрсеткен Жуалылық жас боксшылар рингте өз шеберліктері мен жеңіске деген жігерлерін көрсетіп, жоғары спорттық нәтижеге қол жеткізді.

Дүбірлі додаларда аудан абыройын асқақтатып жүрген чемпиондар спорт саласында жеткен жетістігі мен жеңісі үшін аудан әкімінің Алғыс хатымен марапатталып, бағалы сыйлықтар табысталды.

Жаттықтырушы Нүркен Бейшембекұлы Жамбыл облысы әкімдігінің дене шынықтыру және спорт басқармасының Алғыс хатымен марапатталды.