Меркіде 122 көшеге жөндеу жүргізілуде
Аудан әкімі Баубеков Жорабек Нұрмергенұлының кезекті кездесуі Меркі ауылының тұрғындарымен өтті.
Жорабек Нұрмергенұлы өткен жылғы аудан тұрғындарымен болған осындай кездесулердің нәтижесінде ауданның даму жоспары дайындалғанын, сол жоспар негізінде айқындалған басымдықтарға сәйкес жұмыс жүргізіліп жатқанын жеткізді.
Аудан әкімі биыл әлеуметтік нысандар мен жөл жөрдеуге басымдық берілгенін, осы жылы аудан бойынша 122 көшеге жөндеу жүргізіліп жатқанын айтты.
Тұрғындар жол жөндеу, көше бойларын абаттандыру, қоғамдық орындарға әжетхананың қажеттігі, ауданға айналма жолдың қажеттігі сынды бірнеше мәселе көтерді.
Жорабек Нұрмергенұлы бұл мәселелердің барлығы, жоғарыда айтылғандай, ауданның даму жоспарында қамтылғанын атап өтті.
Сонымен қатар, аудан әкімі жеке мәселелерімен қайырылған азаматтарды қабылдап, олардың мәселелерін назарға алды.
