Мерекелік кеш өтті

28.12.2023 Елана

Таразда белгілі театр және кино актері, Халық әртісі, Мемлекеттік сыйлықтың лауреаты Тұңғышбай Жаманқұловтың 75 жылдығына арналған мерекелік кеш өтті.

Салтанатты шараға арнайы қатысқан облыс әкімі Ербол Қарашөкеев мерейтой иесін құттықтап, оның өңіріміз бен еліміздің мәдениетін дамытуға қосқан елеулі еңбегін атап өтті.

Шара барысында аймақ басшысы тараздықтармен бірге «Абылай ханның ақырғы күндері» спектаклін тамашалады.

Тұңғышбай Жаманқұловтың өзі басты рөлді сомдаған қойылымда қазақтың ірі тұлғасы — Абылай ханның ел басқарған жылдардағы ерлік істері мен аңсар-тілегі шебер суреттеледі.

Жамбыл Облысы Әкімдігі

Аймақтарда... Бастапқы бет

Мерекелік кеш өтті

07.05.2022 Елана

Талас аудандық «Ұлбике ақын» атындағы мәдениет үйінде ҚР Қарулы күштерінің құрылғанына — 30 жыл толуына орай, 7 мамыр — Отан қорғаушылар күніне арналған мерекелік гала-концерт өтті.

Мерекелік жиынға аудан әкімінің орынбасары Айтолқын Абдибекова бастаған актив құрамы мен тыл ардагерлері және жергілікті құзырлы орган өкілдері мен қала тұрғындары қатысты.

Салтанатты басқосуда алғаш болып сөз алған аудан әкімінің орынбасары Айтолқын Серікқызы айтулы датаның мән-маңызына кеңірек тоқталып, жыл басынан бергі облыстық, республикалық түрлі деңгейдегі мәдени-көпшіліктік іс-шараларда ауданның жеткен жетістіктері мен толайым табыстары туралы айтып өтті.

Іс-шара барысында аудандағы бірқатар азаматтар аудан әкімінің «Құрмет» грамотасымен, Алғыс хаттарымен, аудан мәслихаты хатшысының Құрмет грамоталарымен марапатталды.

Талас ауданы әкімдігінің баспасөз қызметі