Батыр баба рухына тағзым

Халқымызда «Бір адамның батылдығы мың адамға жол салған, бір адамның батырлығы тұтас халықтың атын шығарған» деген дана сөз бар. Бұл сөзді Бауыржан Момышұлы сынды бабаларымызға арнап айтуға болады. Ал олардың арман мүддесі бүгінгі таңда орындалып отыр деп дәлелдеді.

1941 жылы батыстан төнген алапат қауіп талай боздақтың,балғын,бағлан азаматтардың өмірін қыршынан қиды. Қаптаған қауіп тұманның ішінде қол ұстасып бірге жүрген кещегі қанды көйлек майдандастардың бұл күнде қатары сиреген. Бірақ кейінгі ұрпақ,яғни,біз екінші дүниежүзілік соғыста қаза болған батырлардың ерлігін еш ұмыт қалдырмаймыз.

Бауыржан Момышұлы – екінші дүние жүзілік соғыста талай қауіпті де маңызды операцияларды өткізіп,  ұрыстарының негізгі бөлігін жеңіспен аяқтаған даңқты қолбасшы. Бейбітшілік  жылдары халық қаһарманы қолына қалам алып, соғыс тақырыбында талай туындыларды өмірге әкелді.Майдандастарының отан қорғаудағы ерліктерін халыққа жеткізді.

Бауыржан Момышұлының өмірі – өнеге, жазған мұралары – патриоттық өсиет. Бауыржан Момышұлының өнегелігі сол, ол – елі мен туған жерін нағыз сүйген, оған қашан да адал қызмет еткен, сын сағатта оны жан аямай қорғаған және қол бастап, жауды жеңуге ерен үлес қосқан ер.

Бауыржан Момышұлы өмір сүрген заман айқас пен шайқасқа толы дүрбелең еді. Ұлы Отан соғысы тап болды. Соғыс – елдік пен ерлікке сын. Бауыржан халқының ерлік, адамгершілік, әділдік рухымен өзі де қаруланды, сарбаздарын да сол рухқа шақырды. Оның адалдығы азаматтығымен ұштасып жатты.

«Ар, намыс, адамгершілік, ақ ниет, адалдық – алдымызда темір қазықтай жарқырап, шөлдегенде сусын, қалжырағанда қайрат, шаршағанда шабыт, ашыққанда арымызға ақ малтадай азық, белімізге тірек, көңілімізге қорек, болдырғанда ұстап мінген төл атымыздай болды,» – деп жазды батыр-жазушы.

Қазақстан Республикасы Ауылшаруашылығы Министрі Сапаров Айдарбек Сейпілұлы өңірге жұмыс сапары барысында Бауыржан Момышұлы атамыздың мұражайына арнайы барды.

Батыр атамыздың мұражайына барып, оның өміріне байланысты көптеген жәдігерлерді көзбен көріп,үлкен әсер алдық. Бауыржан атамыздың «Отан үшін отқа түс-күймейсің» деген сөзін үнемі жадымызда сақтап,тәуелсіз Қазақстанымызды гүлдену үшін ұрпақтарымызға жақсы білім беріп,болашақта ұлтжанды азамат етуге ұмтыламыз.

Ұлы Жеңіске үлес қосқан батыр атамыздың өмірінен тағылым алып, «Жүз рет естігеннен, бір рет көрген артық» дегендей,Б.Момышұлы атамыздың мұражайына танымдық саяхат  жасадық десек те болады.