«Сауат ашу» оқулығына қатысты шағымдар азаяр емес (Видео)

Онсыз да сын садағының нысанасынан бір түспеген ҚР Білім және ғылым министрлігі жаңа оқулықтарды жарыққа шығарса да халықтың көңілін жұбата алмай тұр. Өгізді де өлтірмей, арбаны да сындырмай «Сауат ашу» сияқты бастауыш сыныптың бірінші класс оқушыларына арналған тағы екі-үш оқу құралы сапалы етіп шығару керек еді ғой дейді көпшілік. Министрлік бір жақта, оқулық құрастырушылар екінші жақта, ата-ана басқа пікірде жүргендіктен, ақыры «екі түйе сүйкенсе ортасында шыбын өлер» дегендей, зардабын мектеп табалдырығын жаңа аттаған балдырғандар тартып отыр.