Жапонияның мектеп асханасында түсірілген видео желіге тарап кетті (Видео)

Жапониядағы түскі астың берілуі – тамақтанудан да көп нәрсені білдіреді. Оның қандай ерекшелігі бар екенін сіздер Сайтамда орналасқан мектептердің біріне онлайн-экскурсия құру арқылы біле аласыздар.

Танысып қойыңыздар, бұл Yui. Бүгін ол мектебіндегі түскі астың ерекшелігі жайлы айтып береді. Мектеп асханасының 5 жұмысшысы 3 сағатта 720 адамға түскі ас дайындайды. Олар тазалап жатқан картоптарды алтыншы сынып оқушылары мектеп фермасында өсірген.

Бүгінгі түскі асқа алмұрт соусынан балық (алмұрттар да меткеп бағында өсірілген), картоп езбесі, нан, көкеніс сорпасы мен сүт.

Аспазшылар тағамды әр сыныпқа контейнерларға бөліп қояды. Бұлардың бәрі бір бөлмеде дайындалады.

4-ші сабақтан кейін оқушылар ұстаздарына өткізген сабағы үшін алғыс айтады. Енді 45 минутқа созылатын түскі ас уақыты. Бүтін бір сабақтың уақытындай!

Оқушылар халаттары мен бас киімдерін киіп, беттеріне бетперде тағады.

Міндетті түрде қолдарын жуып, арнайы стерилдейтін гельмен қолданады.

Кезекшілер тағам салынған контейнерге барады. Бірақ олар алдымен аспазшыларға дайындалған ас үшін алғыс айтады.

Кіші сынып оқушылары түскі асты мынандай арбамен сүйретеді.

Ал, бұл бала сүтті үлестіру бойынша кезекші. Ол әрқайсына бір пакеттен таратады.

Бұл жерде сорпаны құйып, дайындап береді.

Дайындап болған соң, кезекшілер қанша ас қалғанын айтып, есеп береді.

Ештеңе ысырап болып қалмауы керек! Ұстаздары балалармен бірге тамақтанады. Асқа кіріспес бұрын, ол балаларға алдында тұрған астың қандай өнімдерден жасалғанын баяндап береді.

Түскі астан соң, балалар бәстесіп ойнайды. Жеңген балаға артық қалған балық пен сүт беріледі. Ештеңе ысырап болмайтынын айттық қой!

Оның үстіне оқушылар босап қалған сүттің пакетін қайта өңдеуге жіберу үшін дайындап береді.

Тамақтан соң, бәрі міндетті түрде тістерін тазалайды.

Сүттің пакетін жәшікке жинап, оны сумен жуып, бір тәулікке кептіруге қойып қояды. Одан кейін оны арнайы орынға апарады. Ол жақтан қайта өңдеуге алып кетеді.

Лас ыдыстарды оқушылар өздері тасиды. Кішкентайлары ыдыстарды сүйретілген арбамен лифтке дейін апарады.

13:10 тазалық уақыты басталады. Ол 20 минутқа созылады. Балалар сыныптарынының, дәліздің, дәретхананың еденін жуып, мектеп ауласын сыпырады.

Балаларды кішкентайынан еңбекке баулып өсіреді. Олар өнімдердің оңайлықпен келмейтінін ұғынады. Оларды алдымен өсіру керектігін де жақсы түсінеді. Барлығы бірлікте ұйымдастырылған!