БАЙҚАУ
Аудандық тарихи- өлкетану музейі және К.Әзірбаев атындағы балалар саз мектебінің ұйымдастыруымен ақын-сазгер, Қазақстан Жазушылар Одағының мүшесі, ауданымыздың Құрметті азаматы Қасқырбай Нарбатырдың өлеңдерін оқудан оқушылар арасында мектепішілік байқау өтті.
Байқаудың басты мақсаты оқушылардың демалыс уақытын тиімді ұйымдастыру, ақын өлеңін насихаттау, музейдегі ақынға арналған бұрышпен таныстыру.
Байқауға Қасқырбай Нарбатыр және аудандық музей директоры Артықбай Үкібаев мен К.Әзірбаев атындағы саз мектебінің директоры Ахметов Панабек әділ бағасын берді.
Алғы сөзінде Қасқырбай Нарбатыр оқушыларды білімді болуға, кітап оқуға, ізденуге шақырды.
Байқауға музыка мектебінде білім алатын әртүрлі жастағы 29 оқушы қатысып, ішінен топ жарған Қадырбек Бақгүлім жеңімпаз атанды.
Артықбай Нариманұлы тамаша өнер көрсеткен Әділхан Нұрәділ мен Керімқұл Адинаға керемет сый жасап, балаларды қуантты.
Байқау соңында қатысушылар естелікке суретке түсіп, аудандық музейді тамашалады. Музей ішіне экскурсияны ғылыми қызметкер Айнагүл Мамытбекова жүргізді. Аудан тарихы қамтылған экскурсия балғындарға ерекше ұнады.