ӘЖЕМНІҢ ЕРТЕГІЛЕРІНЕ САЯХАТ
Жамбыл облыстық ҚХА Аналар кеңесінің мектепке дейінгі мекемелерге танымдық саяхаттар ұйымдастыру жұмысы қызу жүргізілуде.
Осының бірі күні кеше Меркі аудандық №3ЖОББМ жанынан ашылған шағын орталықта өткен «Әжемнің ертегілеріне саяхат!» атты іс шарасы.
«Біртұтас тәрбие» бағдарламасын жүзеге асыру аясында өткен жиынның мақсаты — балалардың шығармашылық және зияткерлік әлеуетін ашу болатын.
Тәрбие мен тағылымға толы жиында Меркі аудандық Аналар кеңесінің «Әжелер мектебіне» қарасты «Зере» атты топтың әжелері балаларға «Жеті лақ», «Түйе мен түлкі» секілді т.б ертегілерді айтып, ұлттық ойын түрлерімен таныстырды. Сонымен қатар, ұршық иіру, құрт жаю секілді ұлттық құндылығымызды дәріптеп балалардың бойына сіңірді.
Бұдан өзге жиын барысында қазақтың салт дәстүрін, әдет-ғұрыптарын насихаттау арқылы жас ұрпақты тәрбиелеу, әже тәрбиесін үлгі ету, әрі олардың өнегесін күнделікті өмірде пайдалану мәселелері көтерілді.
Жиын соңы балаларға тамаша көңіл күй сыйлаған ақ жаулықты әжелеріміздің тамаша әндерімен түйінделді.