Тәуелсіздік «Еркіндіктің шуағы» атты мерекелік іс-шара өтті

Биыл «Еркіндіктің шуағы» атты мерекелік іс-шара ерекше сән-салтанатпен өтті. Іс-шарада ұлттық дәстүрлер мен заманауи жаңашылдықтар тоғысып, көпшіліктің көңілінен шықты. Ұйымдастырушылар мерекелік бағдарламаны халықтың мәдени мұрасын дәріптеуге және еліміздің тәуелсіздікке жету жолындағы тарихи қадамдарын еске алуға арнады. Іс-шара барысында қонақтар мен көрермендерге арнап театрландырылған қойылымдар, ән кештері, өлең жолдары сондай-ақ тәуелсіздік жылдарындағы жетістіктерімізді бейнелейтін бейнероликтер ұсынылды. Ерекше назар аудартқан сәттердің бірі – жас ұрпақ өкілдерінің патриоттық өлеңдер оқып, ән шырқауы болды. Бұл олардың ел болашағына деген сенімін нығайтып, туған жерге деген махаббатын арттырды.

Сонымен қатар, «Еркіндіктің шуағы» іс-шарасы аясында  айрықша қонақ ретінде Жамбыл облысы «Желтоқсан – 86» қоғамдық бірлестігінің төрағасының орынбасары Исмаил Хаджимуратов қатысып, сөз сөйледі. Ол өз сөзінде Тәуелсіздік жолында қаза тапқан батырларды еске алды және жастарды Отанды сүюге, ел болашағы үшін белсенді болуға шақырды. Колледж студенті Наркес Ғазитқызының Тәуелсіздік күніне арнап жазған өлеңі кештің ерекше сәнін келтірді

Д.Ж.АКШАЛОВА,

Директордың тәрбие ісі жөніндегі орынбасары

Тараз қаласы