ӘКІМ САЙЛАНДЫ
Сарысу аудандық сайлау комиссиясының шешіміне сәйкес Борсықов Дүйсенәлі Қыдырәліұлы Түркістан ауылдық округінің әкімі лауазымына сайланды. Борсықов Дүйсенәлі Қыдырәліұлы – 1967 жылдың 10 қаңтарында Жамбыл облысы, Сарысу ауданы, Ә.Бүркітбаев ауылында дүниеге келген.
1984-1989 жылдары Түркістан қаласындағы индустриялды педагогикалық техникумын және 2009 жылы Тараз мемлекеттік педагогикалық институтын «Кәсіптік білімі» мамандықтарын бойынша бітірген. 1985-1987 жылдары Кеңес әскері қатарында борышын өтеген.
Еңбек жолын 1983-1984 жылдары Түркістан совхозында жұмысшы болып бастаған. 1989-2001 жылдары Түркістан ауылындағы М.Әуезов атындағы орта мектебінде нұсқаушы;
2001-2007 жылдары осы мектептің еңбек пәнінің мұғалімі;
2007-2013 жылдары мектеп директорының тәрбие ісі жөніндегі орынбасары;
2013-2016 жылдары мектеп директорының оқу-тәрбие ісі жөніндегі орынбасары;
2016-2019 жылдары Түркістан ауылдық округінің әкімі;
2019 -2023 жылдары Жаңатас қаласының әкімі;
2023 жылдың қыркүйек айынан осы күнге дейін Сарысу аудандық Мансап орталығының директоры қызметін атқарған.
Отбасылы. 1 қыз, үш ұл тәрбиелеуде.