Педагогтар арасында аудандық семинар өтті

2022 жылдан орта мектеп бағдарламасына Жаһандық құзыреттер пәні енгізілді. Жалпы жаһандық құзыреттер-қазіргі және болашақ ұрпақтың өміріне әсер ететін кез-келген мәселені шешу үшін қолданатын білім, тәжірибе және құндылықтар болып табылады. Ал пәнді оқытатын педагогтардың міндеті-білім алушыларды сәт сайын өзгеріп отырған әлемге бейімдеу, балалардың дүниетанымын қалыптастыру.

А.Байтұрсынұлы атындағы гимназияда өткен «Жаһандық құзыреттер — жаңашылдыққа бастама» атты аудандық семинар аталған пәннен дәріс беретін педагогтардың біліктілігін арттыруға және әдістемелік көмек көрсетуге арналды.

Шараның ашылу салта­натында сөз алған аудандық білім бөлімінің басшысы Мақсат Қазанғапов: -Жаһан­дық құзыреттілік қоғамда үйлесімді өмір сүру үшін қажет. Бұл пән бойынша білім беру қоғамдағы мәдениет пен өзара байланысқа құрылған әрекеттерге ықпал етеді. Әлемдегі өзгерістер жастар үшін жаңа мүмкіндіктер ашады, сонымен қатар пробле­малар тудыруы ғажап емес. Сон­дықтан ең бірінші адамға бейім, қабілет қажет. Ұйымдастырылып отырған семинардың педагогтар үшін берері көп,-деп шараға қатысу­шылардың еңбектеріне табыс тіледі.

Сондай-ақ басқосуда жаһандық құзыреттер пәнінің әлемдік деңгейде қалыптасу жолдарына тоқталған «Өрлеу» біліктілікті арттыру институ­тының жаһандық құзыреттер пәнінің трене­рі Жанар Хайрушева Эстон елін­нің білім беру жүйесін­дегі ерекшеліктерді баяндап берді.

Ал А.Байтұсынұлы атындағы гимназияның директоры Асем Абдразакова пән мұғалімдері тарапынан атқарылып жатқан жұмыстар мен олардың шығармашылық табыстарымен бөлісті.

Семинар барысында А.Бай­тұрсынұлы атындағы гим­назияның психолгі Сабира Егентай педагогтармен пси­хо­логиялық тренер ұйым­дас­тырса, мектеп-лицей мұға­лімі Шолпан Умирбаева 5 — сы­нып оқушылармен «Менің ден­саулығым-менің қолымда» атты та­қырыпта ашық сабақ өткізді.

А.Байтұрсынұлы атындағы гимназияның жаһандық құзы­реттер пәнінің мұғалімі Дидар Кушербаеваның пән мұғалімдері арасындағы «Жа­­һандық құзіреттер-жаңа­шыл­дыққа бастама» атты тре­­нинг-коучингі оқытудың әдіс-тәсілдерін үйретуге, жаһан­­­­дық проб­лемалардың аза­ра бай­­ланысын зеттеуге арналды.

Педагогтардың кәсіби деңгейін арттыруға арналған семинар соңында бірқатар мұғалімдерге арнайы сертификаттар тапсырылды.