Хычин жасап үйренейік

2 стакан жылы сүтке жарты шай қасық дрожж салып, тұз, 4 ас қасық сары май құйып, нан ашытамыз. Егер аз ғана порция жасағыңыз келсе сүтті 1 стақанға азайтуға болады. Нан ашығанша, салмасын даярлайық. Алдын ала пісірілген картопты езіп, пюреге айналдырамыз. Шамамен 0,5
кг. картоп. Пюренің үстіне брынзаны майда көзді үккіштен өткізіп саламыз. Брынза тұзды болса, салмаға тұз салудың керегі жоқ. Айтпақшы, брынзаны көбірек қоса беріңіз. Дəмді болады. Енді картоппен жақсылап араластырамыз да, құрт сияқты алақанда айналдырып, бір-бір шарик жасаймыз. Шамамен 10-11 шар шығу керек. Енді жарты сағатқа тоңазтқышқа салып қойыңыз. Оған дейін қамыр да сəл көтеріліп қалады. Қамырдың жақсы көтерілуі шарт емес. Енді қамырды кішірек зуалаларға бөліп, кішірек етіп жайып, əлгі картоп шарын саламыз да,
тағы зуалалаймыз. Бəрін жасап болған соң, абайлап
жайып, құрғақ табада кезекпен екі бөлігін де пісіріп аламыз. Піскен піскендей сары май жағып, қабаттай бересіз болды. Хычин дайын. Мұны екінші тамақ ретінде ұсынуға болады. Хычин жасаған күні қосымша тамақ əзірлеудің қажеті жоқ. Себебі өте тойымды. Іске сəт!