2017-2018 ЖЫЛДАРҒА АРНАЛҒАН МЕКТЕП ФОРМАСЫ ҚАНДАЙ БОЛУЫ КЕРЕК

1. Астана қаласы бойынша мектеп формасының түсі – қара көк.

Егер балаңыз бірінші сыныпқа баратын болса, онда оның формасы қара көк болуы керек.Қалған сыныптардың оқушылары қазіргі кезде киіп жүрген формалары тозғаннан кейін қара көк түсті мектеп формасын сатып алуына болады. Осылайша, бірыңғай түсті мектеп формасы кезеңмен енгізіледі.

2. Мектеп формасының үлгісі – классикалық стиль.

3. Ұлдарға арналған мектеп формасы пенжек, кеудеше, шалбар, ақ түсті көйлектен тұрады.

Қысқы мезгілде: трикотаждан жасалған желет, ақ водолазка. Ұлдарға арналған шалбар кең пішінде және ұзындығы тобықты жабуы керек.Ұсынылатын минимум: ақ көйлек, желет және шалбар.

4.  Қыздарға арналған мектеп формасы: пенжек, кеудеше, юбка, шалбар, классикалық ақ көйлек, сарафаннан тұрады.

Қысқы мезгілде: трикотаждан жасалған пенжек, ақ водолазка. Қыздарға арналған шалбар кең пішінде және ұзындығы тобығын жабуы керек, юбкасының ұзындығы – кеңселік, тізеден 5 см жоғары емес. Ұсынылатын минимум: сарафан және көйлек, кеудеше, көйлек және юбка немесе пенжек, көйлек және шалбар.

5.       Мектеп формасында дінге тән элементтердің болуына жол берілмейді.

6.      Мектеп формасына ерекшелейтін белгілер – эмблема немесе мектеп тігісі бекітіледі. Олар пенжектің немесе кеудешенің үстіңгі бөлігінде орналастырылуы қажет.

7.      Мектеп формасында жарақаттайтын фурнитурасы бар киімдер немесе аксессуарлар болмауы керек.

8.    Мектеп формасы — тозуға төзімді жәнебактерияға, микробқа қарсы және антистатик қасиеттері бар    сапасы жақсы жүн қосылған матадан және мақта матасынан тігілуі керек.

9. Киімнің қатты қыртыстанбауы үшін 75-85%-ытабиғи маталар – мақта және жүннен, 15-25% синтетикалық қоспалардан тігу ұсынылады.

Мектеп формасының фирмасын өзіңіздің қарауыңызға қарай таңдай аласыз. Ең бастысы, форманың сипатталған талаптарға сәйкес келуі.

Дереккөз: bilim.astana.kz