Балаңыз қалай, демек сіз…

Перзент (бала) – Алланың адам баласына берген сыйы әрі аманаты. Баланы дұрыс тәрбиелеу ата-ананың ең басты міндеті есептеледі. Араб психологы Тариқ әл-Хабиб бала тәрбиесі жөнінде мынандай кеңестерді айтады:

• Балаңыз көп өтірік сөйлей ме? – Демек, сіз оны шектен тыс тексеріп, тергейсіз.
• Балаңыздың өзіне-өзі сенушілігі төмен бе? – Демек, сіз оның рухын көтермейсіз, ынталандырмайсыз.
• Балаңыздың сөйлеу қабілеті (шешендік өнері) нашар ма? – Демек, сіз онымен бірге отырып сөйлеспейсіз.
• Балаңыз ұрлық жасай ма? – Демек, сіз оған ешнәрсе сыйламайсыз.
• Балаңыз қорқақ па? – Демек, сіз оны көп қорғайсыз.
• Балаңыз басқаларды құрметтемей ме? – Демек, сіз онымен дауыс көтеріп сөйлесесіз.
• Балаңыз әрдайым жүзі қаяулы, жабыраңқы көңілде жүре ме? – Демек, сіз оны аз мақтайсыз.
• Балаңыз сараң ба? – Демек, сіз онымен бөліспейсіз (немесе бөлісуді үйретпейсіз).
• Балаңыз басқаларға зорлық көрсете ме? – Демек, сіз де оған қаталсыз.
• Балаңыздың рухы әлсіз бе? – Демек, сіз оған дөрекісіз.
• Балаңызда іштарлық бар ма? – Демек, сіз оны елемейсіз, оны ұсақсынып, әңгімелерін тыңдамайсыз.
• Балаңыз сізден қашқақтай ма? – Демек, сіз оны құшағыңызға алмайсыз.
• Балаңыз сізді тыңдамай ма? – Демек, сіз талапты күшейтіп жібергенсіз.
• Балаңыз тұйық па? – Демек, сіз жұмысқа қатты берілген адамсыз.

Дайындаған Хасан АМАНҚҰЛОВ