Мұғалімдер айлығын көбейтуге 70 млрд теңге бөлінеді

Елімізде мұғалімдердің жалақысын көбейтуге 70 млрд теңге бөлінетінін мәлімдедген Қаржы министрі Бақыт Сұлтанов: «Мен алдын ала соманы атаған болатынмын, мұғалімдердің жалақысын көтеруге есеп жасалған. Шамамен 60-70 млрд теңге қажет болады, оларды есепке кіргізіп қойған.

Басқа салаларда да нақты сандар бар. Ұстаздардың жалақысын көтеру республикалық және жергілікті бюджетке нақтылаулар енгізуді қажет етеді.  Қорлар (қаржылық) түсінікті, жыл сайын біз жыл басында еркін қалған қаражатты пайдаланамыз, бізде үкімет қорында қарастырылған айтарлықтай үлкен көлем бар, оларды бөлуіміз қажет»,— деген мәлімдеме жасады.