Құрық ауылында тәулігіне 50 мың текше метрге дейін су тұщытатын зауыт салу жоспарлануда

Маңғыстау облысының әкімі Ералы Тоғжанов жұмыс сапарымен Қарақия ауданына барды. Сапар барысында «GFM Қазақстан» ЖШС базасындағы тренинг орталығының және аудандық жұмыспен қамту орталығының «Open Space» жаңа форматтағы жұмысымен танысып, аудан әкімінің м.а. Қыдырберді Бековтың 2017 жылы атқарған жұмыстары және алға қойған міндеттері туралы халық алдында берген есебін тыңдады.

Өткен жылмен салыстырғанда аудан халқының саны 1,6 %-ға көбейіп, 37 200 адамға жетті.

Негізгі капиталға салынатын инвестиция көлемі 2017 жылы 174 млрд. теңгеге жетіп, былтырғы жылмен салыстырғанда 155,6 пайыздық көрсеткішті құрады.

Өнеркәсіп өнімдерінің ауқымы 2017 жылы  852,8 млрд. теңгені құрап, 2016 жылмен салыстырғанда нақты көлем индексі — 105,5 пайызға жетті.

Құрылыс жұмыстарының көлемі 2017 жылы 50  млрд.  тенге. Бүгінгі күні Құрық паромдық кешені арқылы барлығы 1 475 830 тонна жүк тасымалданды. (импорт 593 348 тн, экспорт – 882 482 тн).Сонымен қатар, 28 жүк автокөлігімен 584,7 тонна жүк экспортталды.

2017 жылы 40,3 мың ш.м. түрғын үй пайдалануға беріліп, өткен жылмен салыстырғанда 105,9 пайызды құрады.

Аудан бюджеті 2017 жылдың қорытындысымен — 9 млрд.170 млн теңге, кірістер бойынша орындалысы  — 101,5 пайыз (9 млрд 305 млн).

2017 жылы 505,5 млн. теңгеге 8 инвестициялық жоба іске асырылды.

Білім саласын цифрландыру жобаларын жүзеге асыру мақсатында аудандағы 2 мектепке электрондық журнал енгізілді (Құрық орта мектеп гимназиясы мен №4 орта мектеп).

«Ералы Лұқпанұлы, Сіз ауылшаруашылық өнімдерінің жалпы шығарылым көлемін 2017 жылға 2 млрд 064 млн. теңге жеткізуде тапсырған болатынсыз, аталған тапсырма 2 млрд. 135 млн. теңге көлемінде орындалып, 2016 жылмен салыстырғанда 108,1 пайызды құрады. Сондай-ақ, 2018 жылы 27 құдық қазу жоспарланып отыр. Аққұдық ауылы тұрғындарының сұранысына сәйкес, шаруа қожалықтарын қолдау мақсатында жаңбыр суларын жинауға арналға 5 мың кубтық тоған құрылысын салуға жобалық-сметалық құжаттамасы жасақталуда», — деді Қарақия ауданы әкімінің м.а. Қыдырберді Беков.

Облыс әкімінің Қарақия ауданының әкімдігіне жүктеген 135 хаттамалық тапсырмасының 56-ы толықтай орындалды. Қалған 79 тапсырманың 23-і өтпелі кезеңмен 2018 жылы іске асырылады. Қалған 56 тапсырма тұрақты бақылауға алынды.

«Қарақия ауданында мемлекеттік-жекеменшік әріптестік бағдарламасы шеңберінде Құрық ауылы теңіз жағалауынан тәулігіне 50 мың текше метрге дейін су тұщытатын зауыт құрылысын салуды жоспарлап отырмыз. Жобаның арқасында 450 жаңа жұмыс орындары пайда болады және аудандағы ауыз су мен техникалық су мәселесі толық шешімін табатын болады. Жоба құны – 50,0 млрд. теңге. Облыс әкімнің бірінші орынбасары Серік Аманғалиевке, облыстық энергетика және тұрғын-үй коммуналдық шаруашылығы басқармасына осы мәселені түбегейлі шешуді тапсырамын», — деді  облыс әкімі Ералы Тоғжанов.

 

Айман Нұрмағанбет