20 мың бекіре шабақтары өзенге жіберілді

7 шілде күні Атырауда балықшылар күні мерекесі аталып өтті.

Таңертең ертемен Жайық өзенінің жағасында спорттық балық аулау бойынша жарыс ұйымдастырылды.  Жеңімпаздар түрлі номинациялар бойынша жүлделер мен сыйлықтар алды. Шипажай маңы жағалауында екі бекіре зауыты өзенге бекіре балықтарының 20 мың шабағын жіберді. Жас шабақтардың салмағы 3-тен 10 граммға дейін.

— Бүгінде 20 мың шабақты жіберуіміз кездейсоқ емес-биылғы жылы Атырау облысының аумағында жұмыс істейтін екі бекіре зауыты өздерінің 20 жылдық мерейтойын атап өтуде. Сондай-ақ, бұл маңызды күн Қазақстанның бас қаласы Астананың 20-жылдығына тұспа-тұс келді. Бұл жыл сайынғы дәстүр жас балықтардың шығарылуы аймақтағы құнды балықтар санының артуына әсер ететініне сенімдіміз », — деді Жайық-Атырау бекіре зауытының директоры Гилман Сарсемалиев.

Іс-шара барысында фестиваль қонақтары үшін бекіре балықтардың көрмесі ұйымдастырылды. Онда ресейлік бекіре тұқымдас тікенек, белуга, стерлот және стелла бекірелерінің ересек түрлері көрсетілді.

Облыстық әкімдіктің алдындағы С.Бейбарыс алаңында Атырау өндірушілерінің балық өнімдерінің жәрмеңкесі басталды. Мұнда Атырау қаласының тұрғындары мен қонақтар жаңа піскен, құрғақ және ысталған балықты, сондай-ақ әр түрлі жартылай фабрикаттарды сатып алды.

С.Бейбарыс алаңында әртүрлі байқаулар өткізілді: кім балықтан дәмді тағам дайындайды, кім балықты тезірек тазалайды, кім балық көп аулайды және кір тасын көтеру мен арқан тартудан жарыстар. Осыдан кейін мерекенің қатысушылары мен қонақтарын балықшылар күнімен Атырау облысы әкімінің бірінші орынбасары Серік Шапкенов құттықтады.

— Жыл сайын біздің екі бекіре зауыты өзенге шамамен 7 миллионға жуық жас шабақтарды жібереді. Біздің өндірістік кооперативтер жылына 12 тоннаға дейін балық алады, олардың 85-90 пайызы экспортталады. Бұл Атырау облысындағы балық өнеркәсібі жақсы қарқынмен дамып келе жатқанының тағы бір көрінісі », — деді Серік Шапкенов өз құттықтау сөзінде.

Іс-шараның барысында балық өнеркәсібінің ардагерлері мен осы сала қызметкерлерін салтанатты түрде марапаттады. Атырау облысының әкімі атынан ең басты төрт қызметкер алғыс хаттар алды. Облыстың 15 тұрғыны Ауыл шаруашылығы министрлігі мен Орман және жануарлар дүниесі аймақтық комитеті дипломдарымен марапатталды, содан кейін тұрғындар назарына мерекелік концерттік бағдарлама ұсынылды.

Айта кетейік, балықшылар күні мерекесі сағат 19.00-де С.Бейбарыс алаңында мерекелік концерт және мерекелік отшашумен аяқталады.

  Атырау облыстық Өңірлік коммуникациялар қызметі