Кока-коланың ағзаға әсері

Кока-коланың ағзаға әсері мынадай: Ішкеннен 10 минуттан кейін оның құрамындағы қант қанға түседі. Мөлшері қалыптағыдан бірнеше есе көп болса да ол жүректі айнытпайды, себебі фосфор қышқылы оны кері қайтарады. Әйткенмен қанттың көптігі салдарынан 20 минуттан кейін қан құрамында инсулин мөлшері күрт көтеріледі. Онымен күрескен бауыр денедегі артық қантты майға айналдырады. Кейінгі 40 минутта сусын құрамындағы кофеин денеге таралады. Ол көз қарашығын үлкейтеді, қан қысымы жоғарылайды. Өйткені бауыр қанға үлкен көлемде қант жібереді. Ағзадағы басқа сезу мен түйсіну рецепторларының жұмысы баяулайды. Адам ұйқысырай бастайды. 45-ші минутта ағза өзінен көп мөлшерде дофомин гормонын өңдіре бастайды. Ол мидың жұмысын бәсеңдетеді. Салыстыру үшін айта кетйік, героин де ағзаға тап осылай әсер етеді. Кока-кола ішкен 1 сағаттан соң ағзадағы фосфор қышқылы метоболизмді үдете отырып, ішектегі кальцийді, магнийді және цинкті бір-бірімен байланыстырады. Кальций несеп ағар арқылы сыртқа шығып кетеді. Көп ұзамай несеп арқылы сүйектегі кальций, магний, цинк және одан бөлек натрий мен су электролиті ағады. Қарапайым тілмен айтқанда, Кока-кола жарты сағатта қан құрамын бүлдіріп, бір сағатта бауырға салмақ түсіріп, сүйектерді «кеміре» бастайды екен. Соған қарамастан оны сүйсіне ішетіндер көп. Осындай сусынмен шөл қандыратын жастардың ертеңі не болады екен?

«Ауырмаңыз!» газетінен.