Атырау облысының әкімі халықтың шағымдарына уақтылы жауап беруді тапсырды
Облыс әкімдігінде Атырау облысының әкімі Нұрлан Ноғаевтың төрағалығымен сыбайлас жемқорлыққа қарсы күрес жөніндегі облыстық комиссияның кезекті отырысы өтті.
Күн тәртібінде сыбайлас жемқорлыққа қарсы іс-қимыл және мемлекеттік қызметшілердің этикалық кодексінің сақталуын қамтамасыз ету шаралары талқыланды.
Атырау облысы бойынша Мемлекеттік кірістер департаментінің басшысы Ерлан Жанбаев және Құқықтық статистика және арнайы есепке алу комитеті департаментінің бастығы Нұрлан Ахметбаев облыс басшысына есеп берді.
Баяндамашылар сыбайлас жемқорлықтың алдын алу шаралары, мемлекеттік қызмет саласындағы бақылау, сондай-ақ мемлекеттік қызметтердің сапасын арттыру жөніндегі шаралардың талдау нәтижелерін жариялады.
— Біз цифрландыруды енгізуге ерекше назар аударамыз. Қазіргі уақытта мемлекеттік кіріс органдарынан мемлекеттік қызметтің 48 түрі ұсынылып отыр. 26 қызмет түрі «Азаматтарға арналған Үкімет» мемлекеттік корпорация арқылы жүзеге асырылады. Сонымен қатар, қағаз форматында ұсынылатын 14 мемлекеттік қызметті электрондық форматқа аудару бойынша жұмыстар жүргізілуде, — деді Атырау облысы бойынша Мемлекеттік кірістер департаментінің бастығы Ерлан Жанбаев.
Аймақ басшысы мемлекеттік кіріс органдарының атқарған жұмысына оң баға беріп, өңірде мемлекеттік органдар мен халық арасында тікелей байланыс орнату бойынша ауқымды жұмыстар жүргізіліп жатқанын атап өтті.
— Елбасының тапсырмасы бойынша , мемлекеттік органдардың жұртшылықпен кері байланыс орнату жұмысы жүргізілуде, және барлық деңгейдегі басшылар азаматтардың жеке қабылдауларын жүргізеді. Сонымен қатар, әлеуметтік желілерде Telegram және ACQ қосымшасы белсенді жұмыс істеуде .Олардың әрқайсысында 3000-3 500 адам тіркелген, барлық өтініштер жан жақты қарастырылып, содан кейін халықпен тікелей байланысқа шығады,- деп мәлімдеді Нұрлан Ноғаев.
Әкімшіліктер шағымдарды қабылдап, жауаптарын жібереді. Бұл бастама жақсы нәтижелерін көрсетуде. Біз бұл байланыстың одан әрі артуына да жұмыстанатын боламыз.
Атырау облысының әкімі барлық мемлекеттік органдардың басшыларына халықтың шағымдары мен өтініштеріне уақтылы жауап беруді, күн сайын ұсынылатын мемлекеттік қызметтердің сапасын арттыруды тапсырды.
Атырау облысының Өңірлік коммуникациялар қызметі