Мұхан Исахан: Бүлікшілердің әрекетіне имамдарды кінәлау орынсыз

Қазақстан Мұсылмандары Діни Басқармасы Ғұламалар кеңесінің кезектен тыс отырысында ҚР МСМ Дін істері комитеті Дін мәселелерін зерттеу және талдау орталығы Исламды зерттеу бөлімінің басшысы Мұхан Исахан «Бүлікшілердің әрекетіне имамдарды кінәлау орынсыз» деп мәлімдеді. Бұл жөнінде ҚМДБ-ның баспасөз қызметі хабарлайды.

Белгілі дінтанушы ғалым Мұхан Исахан имамдар жат ағыммен ағартушылық бағытта талмай жұмыс жасап келе жатқанын жеткізді.

«Ақтөбедегі жағдай барлығымыздың жанымызға батып отыр. Бүлікшілердің әрекетіне имамдарды кінәлау – орынсыз. Қай тұрғыдан алып қарасақ та имамдар қорғансыз. Бұл бағыттағы жұмысқа Діни басқармамен қоса, ең бірінші, құқық қорғау органдары да жауапты. Дін қызметкерлі жат ағыммен ағартушылық бағытта үздіксіз жұмыс жасап келеді», – деп атап өтті Мұхан Исахан.

Басқосу барысында ғұламалар Ақтөбеде орын алған лаңкестік оқиғаға байланысты ҮНДЕУ қабылдап, елдегі діни ахуалдың жайы, дін мамандарының діни тұрақтылықты қамтамасыз ету жолы және қоғамның діни сауаттылығын көтеру жайы талқыланды.