Майталманға лайық марапат

Риода өтіп жатқан Олимпиададан тағы бір жақсы жаңалық жетті. Бұл жолы спортшы емес өмірін спортшыларды жарнамалауға арнаған майталманның марапатталғанын естіп қуандық. Ол – бүгінде спорт журналистерінің үлгі тұтар ұстазы, Сейдахмет Бердіқұловтың шәкірті Несіп Жүнісбаев.

Қазақ спорт журналистикасының қара нары, жазушы, спорт шебері, жоғары ұлттық дәрежедегі төреші, ҚР еңбек сіңірген жаттықтырушысы Н.Жүнісбаев Халықаралық спорт журналистері қауымдастығының (AIPS) арнайы марапатын иеленген екен. «ЕлАна» қоғамдық-танымдық сайты атынан біз де Пайғамбар жасындағы ардагер-спорт шолушысы Несіп Жүнісбаевты шын жүректен құттықтаймыз! Қазақтың туы мұхиттың арғы бетінде молынан желбіреп, спорт журналистері жарыса жазатын жетістіктеріміз көп болғай!

«ЕлАна»