ТҮРКІСТАН: ШАРДАРАЛЫҚ ШАРУАЛАР БИЫЛ 18000 ГЕКТАРҒА МАҚТА ДӘНІН СЕППЕК

30.04.2020 Елана

Бүгінгі таңда Шардара ауданында көктемгі дала жұмыстары барысында 59 мың 300 гектар суармалы жер игерілуде. Оның 1 мың гектарын күздік бидай, 1500-ін арпа, – 1500-ін күріш, 3000-ын дәндік жүгері, – 500-ін маш, 100 гектарын күнбағыс, 18000 гектарын мақта, 14742 гектарын ескі жоңышқа, 4098-ін жаңа жоңышқа, 3300-ін сүрлемдік жүгері, 250 гектарын картоп, 600-іне көкөніс, 10710 гектарына бақша дақылдарын егу жоспарлануда.

Сондай-ақ, ауданның негізгі дақылы саналатын мақтаның көлемі былтырғы жылмен салыстырғанда 5704 гектарға қысқарып, оның орнына дәндік дақыл және мал азығы саналатын егістік түрлері егілмек.
Қазіргі таңда ауданда 45531 гектар жер толығымен айдалып біткен. Көктемгі дала жұмыстарына 24 дана К-700 тракторы, 36 дана Т-150, 1092 дана МТЗ-80,82 тракторлары, 39 дана ЮМЗ, 110 дана ДТ-75, тракторларымен қатар 998 дана тіркеме, 978 дана тырма, 36 дана дән сепкіш, 47 дана бүріккіш және тағы басқа ауыл шаруашылығы техникалары қатысуда.
Ал, бүгінге дейін аудандағы шаруаларға 2500 тонна селитра, 650 тонна аммофос, 450 тонна сульфат аммоний, 110 тонна карбамид таратылып берілген.

Сондай-ақ, «Нимэкс», «Мырзакент» ЖШС-гі шаруаларға минералды тыңайтқыштар тасымалдауды фьючерс арқылы таратуды қолға алды.
Бұдан бөлек, техникаларға қажетті дизель отынын жеткізу жұмысы толыққанды ұйымдастырылуда. Бұл бойынша үкімет тарапынан жеңілдетілген бағада 3120 тонна жанар-жағармай бөлініп отыр. Сонымен қатар, шаруаларға жеке кәсіпкерлер мен операторлар тарапынан дизель отыны жеткізілуде.
Ауданда суармалы жерлерді ылғалдандыру жұмыстарын жүргізу үшін ауыл округтерінде орналасқан агро құрылымдар тарапынан «Казсушар» РМК ТФ филалымен ағын су алуға келісім шарттар жасалынған. Қазіргі кезде сұранысқа сәйкес Қызылқұм магистралды каналы арқылы (КМК) 10 м3/сек ағын су босатылуда. Бүгіннің өзінде 28559 гектар жер ылғалдандырылған.

Түркістан облысының Өңірлік коммуникациялар қызметі