БЕС ПАРЫЗ ЖАЙЛЫ ОДА

Жоқтан бар етіп жаратқан мені,
айтамын мадақ өзіңе, Алла.
Намазда тарқап көңілдің шері,
рахатқа бөлеп келесің, Алла!

Ораза тұтсам нығметіңе шөлдеп,
сауапқа сансыз бөледің, Алла.
Құдіретті бір күш жанымды жебеп,
құштар боп саған келемін, Алла!

Ырыздығыңа разы құлмын,
қажылығымды қабыл ет, Алла.
Болары анық таразы – күннің,
ізгі жандарға жақын ет, Алла.

Отбасым үшін зекетім қорған,
бәрі де маған аманат, Алла.
Дүние — мүлік сен үшін құрбан,
жүрегіме бер қанағат, Алла.

Пайғамбар жолы – сүннетті сүйем,
Құлшылығымды туралап.
Соңғы сөзімді қыла көр, Ием,
ЛӘ ИЛӘҺӘ ИЛЛӘ АЛЛАҺ!

Нағашыбай Қабылбек