ШАЛҒАЙ АУЫЛ ТҰРҒЫНДАРЫНЫҢ МӘСЕЛЕСІ ТЫҢДАЛДЫ

Қошқарата ауылдық округіне қарасты Қошқарата ауылындағы көшпелі қоғамдық қабылдауға келген халықтың қарасы мол болды. Көкейлеріндегі түрлі сауалдарына бірі түсіндірме алса, енді бірінің өтініштері жазбаша қабылданды. Аудан әкімінің орынбасары А. Жабағы, аудан прокурорының орынбасары Б. Қалыбаев, аудандық полиция бөлімі басшысының орынбасары Д. Нұралиев және тиісті бөлім басшылары бастаған топ 37 тұрғынның өтінішін тыңдап, басымын қабылдау орнында шешіп, 3 мәселені бақылауға алды. Халық аталған көшпелі керуеннің аса қажеттілін баса айтып, алғыстарын білдірді.