ХАЛЫҚ АЛҒЫСЫ МЕДАЛІМЕН МАҢҒЫСТАУЛЫҚ АЗАМАТТАР ДА МАРАПАТТАЛДЫ

Білім беру, денсаулық сақтау, әлеуметтік қорғау салаларында жемісті еңбек етіп жүрген пандемиямен күресте ерекше үлес қосқан азаматтар бүгін Қазақстан Республикасы Президентінің 2020 жылғы 19 маусымдағы Жарлығы бойынша «Халық алғысы» мерекелік медалімен наградталды. ТЖ мен карантин кезінде қауіпті індетпен күресте еңбегімен еленген маңғыстаулық 7 азаматқа аймақ басшысы Серікбай Трұмов ”Біз біргеміз” онлайн форумында осы марапатты табыстады. Олардың қатарында белгілі журналист «Хабар» телеарнасының Маңғыстау облысы бойынша тілшісі, «Қоғамдық коммуникация орталығының» директоры Әбішева Гүлмира Айткенқызы, №1 арнаулы әлеуметтік қызметтер көрсету орталығы мейірбикесі Төребаева Ағимаш Ауғанқызы, Медицина қызметкері «SofieMedGroup» көпсалалы клиникасы ЖШС директоры Мұхаметов Аймет Полатұлы, Жаңаөзен қалалық полиция басқармасының испекторы Бауенов Серік Айтбайұлы, Жаңаөзен қалалық полиция басқармасының испекторы Аманбаев Шоқан Маратұлы, Коммуналдық қызметкер «Каспий жылу, су арнасы» МКК жылу, сумен қамту учаскесінде апат жұмыстарын қалпына келтіру слесары Тәжібаев Ғалымжан Жамбылұлы және Мәдениет қызметкері Сапарова Злиха Тенелбайқызы бар. Айта кетейік алдағы уақытта 109 маңғыстаулық марапатталатын болады. Барша марапат иелерін шын жүректен құттықтаймыз! Елге тигізген еңбектеріңіз жана берсін!