Қарағандылық фотографтарды «Тәуелсіздіктің 30 сәті» байқауына қатысуға шақырады

Қарағанды облысында 18–29 қазан аралығында «Тәуелсіздіктің 30 сәті» фотобайқауы өтеді. Ол 18–30 жас аралығындағы фотографтар арасында өткізіледі.

Өтінімдер 1 қазанға дейін қабылданады. Өтінімді, жеке куәліктің көшірмесін, материалдарды «Фотоконкурс» белгісімен izo.karaganda@mail.ru электрондық мекенжайға жіберу қажет.

Суреттің өлшемі кемінде 1 600 пиксель болуы керек (аз жағында). Егер сіз жақтауды кесіп тастасаңыз, түпнұсқа пропорцияларды сақтауыңыз керек.

Әр қатысушыдан ең көбі 5 жұмыс қабылданады. Фотосуреттер байқау тақырыбына сәйкес келуі тиіс.

Байқау жеңімпаздарының жұмыстары мұражай қорына алынады. Байқау қорытындысы бойынша фотоальбом шығарылады.

Жеңімпаздарға дипломдар мен ақшалай сыйлықтар беріледі.

Байқаудың ұйымдастырушылары – Мәдениет, архивтер және құжаттама басқармасы және Қарағанды облыстық бейнелеу өнері мұражайы.

Байқау туралы толық ақпаратты (8-7212) 47-87-00, 8-705-301-15-57 нөмірлері бойынша білуге болады.

Жомарт Шаймұрат