Әулие Ата үңгірі жазулар мен граффитиден тазартылды

Қарағанды облысы Ақтоғай ауданы Шашубай кентінің мұғалімдері Әулие-Ата үңгіріне өзінің алғашқы келбетін қайтарды. Бес ай аралығында педагогтар тынымсыз еңбектенді.

Бектау Ата тауы мен үңгірі Шарын каньоны мен Хан Тәңірі шыңымен қатар республикалық киелі нысандар мен басқа да ерекше қастерленетін табиғи мұра ескерткіштерінің картасына кіреді. Ерекше жартастардан басқа, Шатқал Әулие Ата үңгірімен әйгілі. Ол 600 метр биіктікте орналасқан. Тереңдікте үңгір қасиетті деп саналатын сумен толтырылған. Ғасырлар бойы қазақтар мұнда түнде аурудан айығу үшін дұға етуге келген. Екі жыл бұрын қазақстандық желілерде туристер жазған жартастар бейнеленген фотолар жариялана бастады. Жергілікті тұрғындардың айтуынша, алғашқы жазулар өткен ғасырдың 30-жылдарында пайда бола бастаған. 90 жыл ішінде үңгір қаланың ұсқынсыз бір ауданы іспеттес болып, келбетін жоғалтқан.

 

 

«Әулие Ата үңгірін іс жүзінде тазарту бес айға созылды: 2020 жылдың тамыз, қыркүйек, қазан және 2021 жылдың сәуір, мамыр айлары.

– Демалыс және мереке күндері біздің ер азаматтарымыз жаны мен жүрегінің қалауымен Бектау Ата шатқалына барып, үңгірді тазартты. Үңгірге бір ғана көтерілу үшін олар өздерімен жүз бір рет қолданылатын және екі тұрмыстық оттегі баллоның, дизельді шағын автономды генераторлық электр станциясын, электр щеткалары мен кескіштерін, өрт сатыларын, туристік жабдықтар мен арқандарды, отпен жұмыс істеудегі жеке қауіпсіздік заттарын, құрылыс құралдарын алып жүрді. Сонымен қатар әркімде рюкзактары болды. Осылайша бес ай бойы жұмыс істедік. Бұл Шашубайдың нағыз жігіттері!»

 

 

«Рухани жаңғыру» аясындағы акция ресми түрде 6 тамызда аяқталды. Үңгірге бағыт бойынша жұмыстар аяқталғаннан кейін үш тілде – мемлекеттік, орыс және ағылшын тілдерінде ақпараттық баннерлер орнатылды. Сондай-ақ, акция туралы «Табиғат мінсіз таза, мін бізде ғана» деген жазуы бар ескерткіш тақта орнатылды.

 

  Жомарт Шаймұрат