Көрген білген, ойға түйген

керексіз кезде ұзаратыны бар.

***
Өзге ұлтқа ұқсауға тырыспа,
өзгелер саған ұқсауға тырыссын.

***
Дүние қарызы пұлмен өтеледі.
Рухани парыз қайырлы іспен өтеледі.
Қарыз өтелмей парыз өтелмейді.

***
Шам жақсы болса жарығы алысқа түседі.
Жігіт жақсы болса ағайынға пайдасы тиеді.

***
Жақсы ой ақылыңды толықтырады.
Жаман ой жүйкеңді зорықтырады.

***
Ой өрісі тар адам тұсаулы ат.

***
Қыз жаман болса анаға сын.
Ұл жаман болса атаға сын.

***
Сана — тал ағаш.
Ой — тыңайтқыш.
Ақыл — жеміс.
Ұят — жапырақ.

***
Қиын кез қашан өтеді деп жүргенде өмірдің өзі де өте шығады.

***
Ақылы бар өсиет тыңдайды.
Ақылы жоқ өсек тыңдайды.

***
Иман ұяттың жетекшісі.
Ұят жауапкершілік күзетшісі.
Жауапкершілік абыройдың себепшісі.
Абырой іс- әрекетіңнің есепшісі.

***
Талапсыздың талпынысы жоқ.
Талпынысы жоқтың табысы жоқ.

***
Жаман жаманға қадірлі.
Жақсы баршаға қадірлі.

***
Ұрыс -керіс дегеніміз көзқарастар қақтығысы.

***
Деп қалған ауыз деуден тиылмас.
Жеп қалған ауыз жеуден тиылмас.

***
Жүзге келсең де жөнге кел.

Айжарық Ералидың фб-дағы парақшасынан