ЖАЙЫЛЫМДЫҚ ЖЕРЛЕР ЕШКІМГЕ БЕРІЛМЕЙДІ!
Кеше Шу ауданының әкімі Сәкен Арубаев 2021жылдың қорытындысы бойынша халық алдындағы есебін аяқтады. Аудандық мәдениет үйінде болған жиынға жиналған қауымның қарасы көп болды.
Аудан әкімі баяндамасында өткен жылы атқарылған жұмыстарды саралап, бірқатарын жіпке тізгендей қылып жеткізді. Сондай-ақ халық арасында көп қозғалып жүрген түйіткілді жайылымдық жер, электр жүйелерінің ескіруі, ағын судың тапшылығы сынды сауалы көп мәселердің шешу жолдарын баса айтып, алдағы уақытта атқарылатын жүйелі жұмыстардың жоспарымен бөлісті. 
Сонымен қатар, елді-мекен аумағында 5 шақырымдық радиуста орналасқан жайылым жерлері бар 15,7 мың гектар жерін мемлекет меншігіне қайтару бойынша аудан әкімдігінің қаулысы қабылданғанында жеткізді. Осы қаулы аясында ендігі кезекте ауыл аймағында орналасқан жайылымдық жерлер ешкімге берілмейтінін атап өтті.