Сәтбаевта 16 отбасы жаңа пәтер кілттеріне ие болды

Сәтбаевта 16 отбасы жаңа пәтер кілттерін алды. Жаңа қоныстанушылардың қатарында көпбалалы отбасылар, мемлекеттік қызметкерлер және баспанасы апатты немесе тұруға жарамсыз деп танылған отбасылар бар.

– Біз наурыз айында төрт қабатты үйді пайдалануға бердік. Жаңа үй қоныстанушыларға бақыт пен жылулық әкелетіні сөзсіз. Сіздерге амандық пен мол дастархан тілеймін! – деп пәтер иелерін Сәтбаев қаласының әкімі Асқар Ыдырысов құттықтады.

Игібаевтар отбасы төрт жыл кезекте тұрды, осы күнге дейін жатақханада тұрды.

– Төрт жыл бұрын біздің сегіз пәтерлі екі қабатты үйде өрт болды. Үй ағаш, ескірген, ол бірден жанып кетті. Барлығымызды жан жаққа қоныстандырды, бізге жатақханадан бөлме берілді, қаржылай көмек көрсетілді, кезекке қойды. Міне, биыл төрт қабатты жаңа үйде екі бөлмелі пәтердің кілтін алдық. Біз бақыттымыз, – деп бөлісті отағасы Бақыт Игібаев.

Көп балалы ана Индира Ошибаева өз кезегін жеті жыл күткен. Әйел алты бала тәрбиелеп отыр, олардың үлкені 13 жаста, ал кішісі бір жаста.

– Бұрын біз күйеуіміздің ата-анасымен тұратынбыз, содан кейін тағы төрт жыл тұрғын үйді жалға алдық. Бақытымызға орай, биыл біздің кезегіміз келді және бізге үш бөлмелі пәтер берілді, – деді Индира. – Біз жаңа пәтерде болдық. Ол кең, жарық, жөндеу жақсы жасалған. Барлық бөлмелерде жылы едендер бар. Біз қуаныштымыз және ризамыз.

Сәтбаев қаласында тұрғын үй алу кезегінде барлығы 1977 адам тұр.

Жомарт Шаймұрат