Құрбан айт мерекесіне орай кіші футболдан аудандық турнир өтті

Құрбан айт мерекесіне орай аудан көлеміндегі мешіт жамағаттары арасында кіші футболдан аудандық турнир өтті.
Бейбітшілік пен татулықты, мейірімділікке баулыған асыл дінімізді қадір тұтуға бағытталған турнирдің ашылу салтанатына Сарысу аудандық мешітінің бас имамы Ғалымжан Қонақбаев қатысып, қатысушы командаларды айтулы мерекесімен құттықтап, сәттілік тіледі.
Әрі қарай 8 командадан құралған құрам өзара үздіктерді анықтап, тартысты ойын өткізді.
Нәтижесінде «Дегерес Мешіті жамағаты», «Аудандық мешіт жастары», «Аудандық мешіт жамағаты» командалары үздік үштіктен көрінсе, «Үздік қақпашы» мен «Үздік капитан» номинацияларын Алмат Аманбаев пен Аманғали Қабдушев иеленді.
Доп додасының жабылу салтанатына қатысқан аудан әкімі Марат Сұлтанғалиев жиналғандарды мерекемен құттықтап, жүлделі орынды иеленген командаларға грамоталармен қатар демеушілер тарапынан ұсынылған қаржылай сыйлықтарын табыстады.

Сарысу аудан әкімдігі баспасөз қызметі