АППАРАТТЫҚ КЕҢЕС

Аппараттық кеңестің күн тәртібінде бірінші «Жұмыспен қамту және әлеуметтік бағдарламалар саласының 2024 жылға арналған жоспарлары мен жобалары туралы» мәселе қаралды.

Күн тәртібіндегі мәселеге байланысты аудан әкімдігінің жұмыспен қамту және әлеуметтік бағдарламалар бөлімінің басшысы Қ. Тлеубаев хабарлама жасады.

Халықтың осал топтарын әлеуметтік қамсыздандыру мақсатында ағымдағы жылға 714,0 млн. теңге қаралып әр бағыттағы жұмыстар атқарылатын болады. Жоспарланған жұмыстар екі бағыт бойынша атқарылады.

І-ші бағыт Әлеуметтік қамсыздандыру; Оның ішінде, атаулы әлеуметтік көмекпен 605 отбасындағы 3059 адам қамтылады. Тұрғын үй жәрдемақысы 201 отбасындағы 950 адамға тағайындалатын болады. Ауылдық елді мекендерде тұрып жұмыс істейтін денсаулық сақтау, әлеуметтік қамсыздандыру, білім, мәдениет, спорт және ветеринария салаларының мамандарына отын сатып алу мақсатындағы жұмыстарға 1471 маман қамтылатын болады. Сондай-ақ, «Жергілікті уәкілетті органдардың шешімі бойынша, мұқтаж азаматтардың жекелеген топтарына әлеуметтік көмек көмек көрсету» бағдарламасына сәйкес жыл ішінде 429 адамға біржолғы және әлеуметтік мәні бар ауруға шалдыққан азаматтарға көмек ұсынылады.

ІІ-ші бағыт Мүмкіндігі шектеулі азаматтарға көрсетілетін әлеуметтік көмектер.

Бұл бағытта мүгедек балаларды үйде оқыту, үйде арнаулы қызмет көрсету, есту қабілеті төмен мүгедектерді ымдау тілі маманының қызметімен қамту, міндетті гигиеналық құралдармен қамтамасыз ету жұмыстаны атқыру көзделіп отыр.

Күн тәртібінде «Қыс мезгілінде төтенше жағдайдың алдын алу және су тасқыны кезеңіне дайындық жұмыстары туралы» екінші мәселе қаралды.

Бұл мәселеге байланысты аудандық төтенше жағдайлар бөлімінің басшысы Ж. Танабаев баяндады.

Облыс аумағында су тасқынын алдын алу мақсатында, облыс аумағында су тасқыны жағдайларын зерделеу нәтижесімен әзірленген 2023-2024 жылғы күз-көктемгі су тасқыны кезеңіне дайындықты жүргізу бойынша іс-шаралар жоспары бекітілген. Бекітілген жоспарға сәйкес, тиісті жұмыстар атқарылуда. Су тасқыны және төтенше жағдайлардың алдын алу шараларына 112 адамнан тұратын ерікті жасақшылар тобы құрылған. 29 дана техника, 3 дана мотопомпа, 3000 дана қапшықтар, 74 дана резенке етіктер, 103 дана күректер әзірленген. Қазіргі таңда жағдай тұрақты, үнемі бақылауда. Қыс мезгілінде облыстық мәні бар жолдарды күтіп ұстауға «Сарысу жолдары» ЖШС-мен келісім-шарт жасалынған. Мердігер тарапынан тұйықта 1000 тонна құм араласқан тұз және 15 дана техника дайындалған. Аудандық маңызы бар жолдарды күтіп ұстау жұмыстарымен «Sholan-Bay» ЖШС-і айналысуда. Сондай-ақ, барлық ауылдық округтерде ауылдың ішкі жолдарын тазалауға техникасы бар азаматтармен келісім-шарт жасалынған. Қыс мезгілінде арнайы жылыту пункттері ашылған. Аудан бойынша 25 жылыту пункті бар.

Сонымен қатар, аппараттық кеңесте қосымша мәселелер қаралды.

«Жаңатас қаласы мен ауылдық округтердің санитарлық-тазалығын зерделеу нәтижесі» туралы аудан әкімі аппаратының ұйымдастыру-инспекторлық бөлімшесінің басшысы З. Сейдалиев және «Қосымша иммундаудан бас тартқан отбасылармен түсіндірме жұмыстарын жүргізу жөніндегі топтың атқарған жұмыс нәтижесі» туралы аудан әкімдігінің ішкі саясат бөлімінің басшысы Г. Алтынбекова хабарлама жасады.

Күн тәртібінде қаралған барлық мәселелер бойынша сала басшылары мен жауапты мамандарды тыңдаған аудан әкімі Сәкен Үмбетұлы анықталған кемшіліктерді тез арада қалыпқа келтіруді тапсырып, тиісті хаттамалық тапсырмалар берді.