АҚТАУ ҚАЛАСЫНЫҢ ТҰРҒЫНДАРЫНА 4000 ДАНА БЕТПЕРДЕ ТЕГІН ТАРАТЫЛУДА

Ақтау қаласының көшелерінде және теңіз жағалауында жастар ресурстық орталығы мамандарының көмегімен тұрғындарға тегін маскалар үлестірілуде. Бұл шара елімізде белең алған індеттің қарқынын басу үшін облыс әкімдігінің қолдауымен жүзеге асырылуда.

4000 дана маска қала тұрғындарына тегін таратылады. Сонымен қатар, Жаңаөзен қаласында – 2600 дана, Мұнайлы ауданында – 1000 дана маска тұрғындарға беріліп бастады. Аталған шара алдағы уақытта тұрақты түрде жүргізілетін болады.

Індеттің таралуын төмендету үшін әр біріміз азаматтық жауапкершілік танытуымыз қажет. Сақтық шараларын күшейтіп, маска режимін және санитарлық тазалықты қатаң сақтағанда ғана нәтиже болатындығын естен шығармауымыз тиіс.

Сонымен бірге, Біріккен Араб Әмірлігінен гуманитарлық көмек ретінде келген маскалар да қалалар мен аудандарда халыққа тегін таратылатын болады.