ӘР ШАҢЫРАҚҚА ШАТТЫҚ ТОЛА БЕРСІН
Қадірменді сарысулықтар! Сіздерді Наурыз айының ізгі мерекелерінің бірі — Шаңырақ күнімен шын жүректен құттықтаймын!
Қазақ мәдениетінде шаңырақтың қадір-қасиеті айрықша. Ол – әрі аспан күмбезі, әрі үй-жай, әрі тірек, әрі бақуаттылық пен қауіпсіздік және ұрпақтар сабақтастығы. Ол – ұрпақтан-ұрпаққа жалғасып келе жатқан материалдық және рухани мұра, сонымен қатар отбасының тұрақтылығы мен ұрпақтың үздіксіз жалғасуының символы.
Шаңырақ – отбасы белгісі, сондықтан да қазақ халқы жас жұбайлардың отау құрып, шаңырақ көтеруіне ерекше мән берген. Ата-бабаларымызда «Шаңырақ көтеру» атты ерекше дәстүр-салт болған.
Қазақта, шаңырақты «Алтын шаңырақ», «Қасиетті шаңырақ», «Қара шаңырақ» деп құрметтеген. «Шаңырағың шайқалмасын» , «Шаңырағыңда құт — береке орнасын» деген тілектердің астарында үлкен мән жатыр.
Қадірлі сарысулықтар! Осынау қастерлі Шаңырақ күнінде Сіздерге отбастарыңызға амандық тілеймін! Еліміздің шаңырағы әркез биік тұрғай!
Ізгі ниетпен, Сарысу ауданының әкімі: Сәкен Мамытов