Ардақты аналар мен арулар!
Түркістан облысының әкімі Нұралхан Көшеровтың 8 наурыз – Халықаралық әйелдер күнімен құттықтауы!
Ардақты аналар мен арулар!
Құрметті ханымдар!
Сіздерді көктемнің аяулы мерекесі 8 Наурыз – әйелдердің халықаралық күнімен шын жүректен құттықтаймын.
Әлемде ананың мейірімінен асқан мейірім жоқ. Жұмақ – ананың аяғының астында.
Сондықтан ақ жаулықты апаларымызды, аруларымызды құрметтеу – азаматқа міндет, ұрпаққа парыз.
Әйелдер қауымы – әрқашан отбасының, елдегі бірліктің ұйытқысы. Ардақты аналарымыз бір қолымен бесікті тербетсе, екінші қолымен әлемді тербеткен. Сіздердің қоғамдағы орындарыңыз ерекше.
Нәзікжандылар өңірді дамыту жолында мемлекеттік қызметте, кәсіпкерлік, білім, медицина, құқық қорғау органдарында және басқа да салаларда аянбай еңбек етіп келеді. Демография мен экономикаға өз үлестерін қосуда. Осы еңбектеріңіз үшін шынайы алғысымды айтамын!
Баршаңызды бүгінгі шуақты мерекемен құттықтай отырып, мықты денсаулық, баянды бақыт, табыс пен береке тілеймін!
Біздің әлем – ардақты аналармен, алтындай қыздарымызбен көрікті. Көктемнің шуағындай жадырап-жайнап жүре беріңіздер!
Нұралхан КӨШЕРОВ,
Түркістан облысының әкім