АУДАНДА АУЫЛШАРУАШЫЛЫҚ САЛАСЫ ҚАРҚЫНДЫ ДАМЫП КЕЛЕДІ
Бүгін Жаңатас қаласы, Бейбітшілік көшесінің бойында ауыл шаруашылығы өнімдерінің жәрмеңкесі өтті.
Жәрмеңке азық-түлік бағасын тұрақтандыру мақсатында ұйымдастырылды. Жәрмеңкеге ауыл шаруашылығы өнімдері шығарылып, өнімдер нарық бағасынан төмен бағада тұрғындарға ұсынылды.
Жергілікті тұрғындар төмен бағада ұсынылып отырған жәрмеңкенің халық үшін тиімділігін айтып, ризашылығын білдіруде: -Ауылшаруашылық жәрмеңкесі халық үшін аса тиімді. Әр апта сайын қажетті өнімдерді алу үшін жәрмеңкеге барып, арзан бағада сапалы өнімдерді сатып аламыз. Осындай іске ұйытқы болып отырған аудан басшылығына алғысымызды білдіреміз, — дейді тұрғындар.
Сондай — ақ, жәрмеңкеде Мемлекет басшысы Қасым-Жомарт Тоқаевтың «2028 жылға дейін ауылшаруашылығы саласына өндірілетін өнім көлемін екі есе ұлғайту керек» деген нақты міндеті және облыс әкімі Ербол Қарашөкеевтің бастамасымен ауылшаруашылығы техникаларының көрмесі өтті.
Бүгінде мемлекет тарапынан Қазақстанда құрастырылған ауылшаруашылығы техникаларына 30 % субсидиялау қарастырылып отыр. Бұл ауылшаруашылық саласына деген үлкен қолдау. Бүгінде ауданда 28 дана ауылшаруашылық техникаларын жаңарту көзделуде. Аталмыш жұмыстар «АгроТехМенеджмент» компаниясының ұсынуымен іске асуда.