Ауған соғысы ардагерлерімен кездесу

Тараз қаласындағы Шоқан Уәлиханов атындағы орта мектепте «Ауған соғысы ардагерлеріне мәңгілік тағзым» атты іс-шара өткізілді. Атаулы іс-шараға Ауған соғысының ардагерлері Манарбек Тлепов, Ерлік Шабиев, Садуақас Берденов, Марат Бультеков, Еркебұлан Атабаев, Сейтхан Қуантаев шақырылды. Сонымен қатар, Құлан мектеп-гимназиясының алғашқы әскери дайындық жетекшісі Тоқтасын Асылов, Қ.Сұлтанбеков атындағы орта мектебінің алғашқы әскери дайындық жетекшісі Жансерік Акымбеков, Қ.Сәтпаев атындағы орта мектебінің алғашқы әскери дайындық жетекшісі Балтабек Күшікбаев, М.Әуезов атындағы тірек мектебінің алғашқы әскери дайындық жетекшісі Ербол Есжанов осы шараға қатысты. Алғашқы сөзді мектеп директоры Бекмұрат Киялбеков алды. Кеңес әскерлерінің Ауғанстан Демократиялық Республикасынан шығарылғанына 36 жыл толуымен құттықтап, Отанына шексіз берілген, патриоттық рухы жоғары, қайсар жауынгер ағалар ерлігін үлгі ету мақсатында сөз кезегі Ауған ардагерлеріне берді. Өз сөзінде Ауған соғысының ардагері Манарбек Тілепов әрбір елдің болашағы өз Отанына шексіз берілген, патриоттық рухы жоғары, ержүрек қайсар ел азаматын тәрбиелеуден бастау алатындығын айтты. Оқушылар тарапынан қойылған сұрақтарға жауап бере отырып, кеудесіндегі ерекшеленіп тұрған бес жұлдызды «Ерлігі үшін» медалін не үшін алғандығын айтып өтті.
Шараға келген қонақтар сол кезде қатерге бел буып, батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болғандығы, соғыс кезіндегі жасаған ерліктері туралы сөз қозғады.
Салтанатты жиын соңында «Айрықша тәуекелді ардагерлері мен мүгедектері» АҚБ саяси бөлім бастығы Сейтхан Қуантаев мектеп директоры Бекмұрат Киялбековке және мектептің алғашқы әскери дайындық жетекшісі Мейрамбек Акымбековке, сонымен қатар Құлан мектеп-гимназиясының алғашқы әскери дайындық жетекшісі Тоқтасын Асыловқа, Қ.Сұлтанбеков атындағы орта мектебінің алғашқы әскери дайындық жетекшісі Жансерік Акымбековке, Қ.Сәтпаев атындағы орта мектебінің алғашқы әскери дайындық жетекшісі Балтабек Күшікбаевқа, М.Әуезов атындағы тірек мектебінің алғашқы әскери дайындық жетекшісі Ербол Есжановқа «Сағадат Нұрмағамбетов» төсбелгісін тақты.
«Қазақстан патриоты» медалімен мектеп директоры Бекмұрат Киялбеков марапатталды.

Дайындаған – Гүлфия ЕЛТАЙҚЫЗЫ,
Тараз қаласы