АУЫЛДЫҚ ОКРУГТІҢ АРДАГЕРЛЕР КЕҢЕСІНІҢ ТӨРАҒАСЫ САЙЛАНДЫ
Ағымдағы жылдың 20 қаңтар күні Сарысу Ішкі Саясат Бөлімі ұйымдастыруымен, Түркістан ауылдық округі ардагерлер кеңесінің мүшелерімен жиын өтті.
Жиынға аудандық ардагерлер кеңесінің төрағасы Ж.Жұмаділдаев, аудандық алқа билер кеңесінің төрағасы Ж.Қалмырза және ардагерлер кеңесінің мүшелері қатысты.
Жиында ауылдық ардагерлер кеңесінің төрағасы М.Ыстыбаевтың белгілі бір себептермен төрағалықтан бас тарту туралы өтініші қаралды.
Аудандық ардагерлер кеңесінің және ауылдық ардагерлер кеңес мүшелерінің шешімен аталмыш ауылдың тумасы, Сарысу ауданының Құрметті азаматы Жылқыбаев Мәлікомар Түркістан ауылдық округі ардагерлер кеңесінің төрағасы болып сайланды.
Жаңадан сайланған төрағаға ауылдың дамуына үлес қосуда сәттілік тіледі.
Ұлбике Әлібекқызы , Сарысу аудандық ішкі саясат бөлімінің басшысы